ଭୁବନେଶ୍ୱର,୦୮/୦୬: ବଡ଼ଗଡ଼ ଥାନା ରବି ଟକିଜ୍‌ ଛକରୁ ଜଣେ ୧୨ ବର୍ଷର ଛାତ୍ରୀଙ୍କୁ କେତେକ ଦୁର୍ବୃତ୍ତ ଅପହରଣ କରି ନେଇଛନ୍ତି । ଏନେଇ  ନାବାଳିକାଙ୍କ ମା’ ଥାନାରେ ଏତଲା ଦେଇଛନ୍ତି । ପୁଲିସ୍‌ ଅପହରଣ ମାମଲା ରୁଜୁ କରି ଘଟଣା  ସ୍ଥଳରେ ଲାଗିଥିବା ସିସିଟିଭି ଯାଞ୍ଚ କରୁଛି । ରବି ଟକିଜ୍‌  ଛକରେ ଜଣେ ମହିଳା ଏକ ଦୋକାନ ଦେଇଛନ୍ତି । 

ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ନାବାଳିକା ଜଣଙ୍କ  ତାଙ୍କ ମା’ଙ୍କ ପାଖରେ ଦୋକାନରେ ଥିଲେ । ଏହି  ସମୟରେ ତାଙ୍କ ଘରୁ ଫୋନ୍‌ ଆସିଥିଲା । ଟ୍ୟୁସନ୍‌ ଦିଦି ଘରକୁ ଆସିଲେଣି, ଝିଅକୁ ଘରକୁ ପଠାଅ । ମହିଳା ଜଣଙ୍କ ଝିଅକୁ ଘରକୁ ଯିବାକୁ କହିଥିଲେ । ନାବାଳିକା ଚାଲି ଚାଲି ଘରକୁ ଆସିବା ସମୟରେ  କେତେକ ଅସାମାଜିକ ଯୁବକ ତାଙ୍କୁ ଅପହରଣ  କରି ନେଇଥିଲେ । ଏ ବିଷୟରେ କେହି କିଛି ଜାଣି ନଥିଲେ । କିଛି ସମୟ ପରେ ମହିଳାଙ୍କ ପାଖକୁ  ଘରୁ ପୁଣି ଫୋନ୍‌ ଆସିଥିଲା । ଝିଅ ଘରେ ପହଞ୍ଚି  ନଥିବା ସେ ଜାଣିବାକୁ ପାଇଥିଲେ । ପରେ ବହୁ  ଖୋଜାଖୋଜି କରିଥିଲେ । ଝିଅର କୌଣସି ସନ୍ଧାନ  ନ ମିଳିବାରୁ ସେ ଥାନାରେ ଅଭିଯୋଗ କରିଛନ୍ତି ।