ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜୁଲାଇ ୫ (ଶୁକ୍ରବାର) ରେ ଦିଲ୍ଲୀର ରାଷ୍ଟ୍ରପତି ଭବନରେ ଆୟୋଜିତ ଏକ ସମାରୋହରେ ଯବାନଙ୍କୁ ବୀରତା ପୁରସ୍କାର ପ୍ରଦାନ କରିଛନ୍ତି । ସେନା, କେନ୍ଦ୍ରୀୟ ସଶସ୍ତ୍ର ବଳ ଏବଂ ରାଜ୍ୟ/କେନ୍ଦ୍ର ଶାସିତ ଅଞ୍ଚଳର ପୋଲିସ ଯବାନଙ୍କୁ ସର୍ବୋଚ୍ଚ ବଳିଦାନ ଲାଗି ଏହି ସମ୍ମାନ ପ୍ରଦାନ କରିଛନ୍ତି ରାଷ୍ଟ୍ରପତି । ୧୦ କିର୍ତ୍ତୀ ଚକ୍ର (୭ ଜଣଙ୍କୁ ମରଣୋତ୍ତର) ଏବଂ ୨୬ ଶୌର୍ଯ୍ୟ ଚକ୍ର (୭ ଜଣଙ୍କୁ ମରଣୋତ୍ତର) ପ୍ରଦାନ କରାଯାଇଛି ।
ପ୍ରତି ବର୍ଷ ବୀରତା ପ୍ରଦର୍ଶନ କରିଥିବା ସେନା, ସିଆରପିଏଫ, ଆଇଟିବିପି, ପୋଲିସ ଯବାନଙ୍କୁ ବିଭିନ୍ନ ବୀରତା ସମ୍ମାନରେ ସମ୍ମାନିତ କରାଯାଏ । ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ୩୬ ବୀରତା ପୁରସ୍କାର ପ୍ରଦାନ କରିଛନ୍ତି । ଆଜିର ଏହି ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ବିରୋଧୀ ଦଳ ନେତା ରାହୁଲ ଗାନ୍ଧୀ ପ୍ରମୁଖ ଉପସ୍ଥିତ ଥିଲେ ।
ଇନସ୍ସପେକ୍ଟର ଦିଲ୍ଲୀପ କୁମାର ଦାସ (ସିଆରପିଏଫ), ହେଡ କନେଷ୍ଟବଳ ରାଜ କୁମାର ଯାଦବ (ସିଆରପିଏଫ), କନେଷ୍ଟବଳ ବବଲୁ ରାଭା (ସିଆରପିଏଫ), କନେଷ୍ଟବଳ ଶମ୍ଭୁ ରାୟ (ସିଆରପିଏଫ), ସିପାହୀ ପବନ କୁମାର (ସେନା), କ୍ୟାପ୍ଟେନ ଅଂଶୁମାନ ସିଂହ (ସେନା), ହାବିଲଦାର ଅବଦୁଲ ମଜିଦ (ସେନା)ଙ୍କୁ ମରଣୋତ୍ତର କିର୍ତ୍ତୀ ଚକ୍ର ପ୍ରଦାନ କରାଯାଇଛି ।