ନୂଆଦିଲ୍ଲୀ – ଜମ୍ମୁର କଠୁଆରେ ସେନା ଯବାନ ଉପରେ ଆତଙ୍କୀ ହମଲାର ବଡ଼ ଖବର ସାମନାକୁ ଆସିଛି। ଏହି ହମଲାରେ ୪ଜଣ ଯବାନ ସହିଦ ହୋଇଛନ୍ତି। ସୋମବାର ସନ୍ଧ୍ୟାରେ ଏହି ହମଲାର ଖବର ସାମନାକୁ ଆସିଥିଲା। ଆତଙ୍କୀମାନେ ସେନା ଗାଡ଼ିକୁ ଟାର୍ଗେଟ୍ କରିଥିଲେ। ଉକ୍ତ ହମଲାରେ ପ୍ରଥମେ ୪ ଯବାନ ଆହତ ହେବାର ଖବର ଆସିଥିଲା। ଏହାପରେ ବିଳମ୍ୱିତ ସନ୍ଧ୍ୟାରେ ଖବର ଆସିଲା ଯେ, ଆତଙ୍କବାଦୀଙ୍କ ହମଲାରେ ୪ ଜଣ ଯବାନ ସହିଦ ହୋଇଛନ୍ତି। ଏହାର କିଛି ଘଣ୍ଟା ପରେ ଆଉ ଜଣେ ଯବାନ ସହିଦ ହେବା ଖବର ଆସିଛି। ଯାହାକି ଏହି ଆତଙ୍କୀ ଘଟଣାରେ ବର୍ତ୍ତମାନ ସୁଦ୍ଧା ୫ଜଣ ଯବାନ ସହିଦ ହୋଇଛନ୍ତି।
ଅନ୍ୟପଟେ ଏହି ଘଟଣାରେ ୪ ଜଣ ଯବାନ ମଧ୍ୟ ଆହତ ହୋଇଛନ୍ତି। ଆର୍ମି ହସ୍ପିଟାଲରେ ତାଙ୍କର ଚିକିତ୍ସା ଜାରି ରହିଛି। ଏଥିରେ ଦୁଇ ଯବାନ ଗୁରୁତର ହୋଇଛନ୍ତି।
ଘଟଣା ସ୍ଥଳରୁ ସେନା ଗାଡ଼ିର ଫଟୋ ସାମନାକୁ ଆସିଛି, ଯେଉଁଥିରେ ତାହା ଫାୟାରିଂ କାରଣରୁ କ୍ଷତିଗ୍ରସ୍ତ ହେବାର ଦେଖିବାକୁ ମିଳିଛି। ହମଲା ପରେ ଘାଟୀରେ ସେନା ଓ ଆତଙ୍କୀଙ୍କ ମଧ୍ୟରେ ସଂଘର୍ଷ ଜାରି ରହିଛି।
ସୂତ୍ର ମୁତାବିକ , ପାହାଡ଼ ଉପରେ ଲୁଚି ରହିଥିବା ଆତଙ୍କବାଦୀମାନେ ସେନାର ଗାଡ଼ି ଉପରେ ଫାୟାରିଂ କରି ଥିଲେ ଏବଂ ସେମାନେ ସେନାର ଗାଡ଼ି ଉପରକୁ ଗ୍ରେନେଡ୍ ମଧ୍ୟ ଫିଙ୍ଗି ଥିଲେ। ସେନା ଓ ଆତଙ୍କୀଙ୍କ ମଧ୍ୟରେ ସଂଘର୍ଷ ଜାରି ରହିଛି। କହି ରଖୁଛୁ କି , ଗତ କିଛି ଦିନରୁ ପୁଣି ଥରେ ଘାଟୀରେ ସଂଘର୍ଷ ବଢିଛି। ଆତଙ୍କୀଙ୍କ ସହ ସଂଘର୍ଷର ଖବର ଲଗାତାର ଆସୁଛି।
