ଭୁବନେଶ୍ବର ,୨୦/୦୨: କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ ଘଟଣା । ସିନ ରିକ୍ରିଏସନ କରୁଛି ସ୍ପାଇଡର ସତୀଶ । ନୟାପଲ୍ଲୀରେ ଚାଲିଛି ସିନ ରିକ୍ରିଏସନ। ସ୍ପାଇଡର ସତୀଶକୁ ଆଣି କ୍ରାଇମ ସ୍ପଟରେ ସିନ ରିକ୍ରିଏସନ କରୁଛି ସ୍ପେଶାଲ ସ୍କ୍ବାଡ । ସ୍ଲାଇଡରକୁ ୫ ଦିନିଆ ରିମାଣ୍ଡରେ ନୟାପଲ୍ଲୀ ପୋଲିସ ଆଣିଥିବା ବେଳେ ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘର ଚୋରିର ଦେଖାଉଛି ଡେମୋ । ତେବେ ଆଜି ରିମାଣ୍ଡ ଅବଧିର ତୃତୀୟ ଦିନ ଥିବା ନେଇ ସୂଚନା ଦେଇଛନ୍ତି ଭୁବନେଶ୍ବର ଡିସିପି ପିନାକ ମିଶ୍ର ।
ଏହା ମଧ୍ୟ ପଢନ୍ତୁ- ନିରଞ୍ଜନଙ୍କ ଘରୁ ଚୋରି ଘଟଣା: ସ୍ପାଇଡର୍କୁ ୫ ଦିନ ରିମାଣ୍ଡ ଆଣିବାକୁ ଆବେଦନ କଲା ପୁଲିସ
ତେବେ ସୂଚନା ଅନୁଯାୟୀ, ଜାନୁଆରୀ ୨୬ ତାରିଖରେ ରାତିରେ ଭୁବନେଶ୍ୱର ନୟାପଲ୍ଲୀ ଅଞ୍ଚଳରେ ଥିବା କଂଗ୍ରେସର ବରିଷ୍ଠ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ହୋଇଥିଲା । ଘରୁ ସୁନା-ହୀରା ସହ ନଗଦ କିଛି ଟଙ୍କା ଲୁଟ ହୋଇଥିଲା । ଏହାପରେ ସ୍ପାଇଡର ବିଶାଖାପାଟଣା ଚାଲିଯାଇଥିଲା । ଏନେଇ କମିଶନରେଟ୍ ପୋଲିସ ତଦନ୍ତ ଜାରି ରଖଥିଲା । ସ୍ପେଶାଲ ସ୍କ୍ୱାର୍ଡ ସହ ତିନୋଟି ଟିମ୍ ଗଠନ କରାଯାଇ ରାଜ୍ୟ ବାହାରକୁ ଯାଇଥିଲା, ଆଉ ବିଭିନ୍ନ ସ୍ଥାନରେ ମଧ୍ୟ ଚଢାଉ ଜାରି ରହିଥିଲା । ଶେଷରେ ସ୍ପାଇଡରକୁ ବିଜୟଓ୍ୱାଡାକୁ ଗିରଫ କରିଥିଲା କମିଶନରେଟ୍ ପୋଲିସ । ଯାହାକୁ ନେଇ ସ୍ପାଇଡରକୁ ୫ ଦିନିଆ ରିମାଣ୍ଡରେ ନିଆଯାଇଥିବା ବେଳେ ଆଜି ପୂରା ଘଟଣାର ସିନ ରିକ୍ରିଏସନ କରୁଛି ସ୍ପାଇଡର ।
