ପ୍ୟାରିସ,୨୭/୦୭: ଟୋକିଓ ଅଲିମ୍ପିକ୍ସରେ ଦୀର୍ଘ ୪୧ ବର୍ଷ ପରେ ବ୍ରୋଞ୍ଜ ପଦକ ଜିତିଥିବା ଭାରତୀୟ ପୁରୁଷ ହକି ଦଳ ଶନିବାର ନ୍ୟୁଜିଲାଣ୍ଡ /ବିପକ୍ଷରେ ପ୍ୟାରିସରେ ଅଭିଯାନ ଆରମ୍ଭ କରିବ । ହର୍ମନପ୍ରୀତ ସିଂଙ୍କ ନେତୃତ୍ୱରେ ଦଳ ଏଥର କେବଳ ପଦକ ବଜାୟ ନୁହେଁ ବରଂ ପଦକର ରଙ୍ଗ ପରିବର୍ତ୍ତନ କରିବାକୁ ଲକ୍ଷ୍ୟ ରଖିଛି ।
ଅଲିମ୍ପିକ୍ସ ପରେ ଭେଟେରାନ ଗୋଲକିପର ପିଆର ଶ୍ରୀଜେଶ ଅବସର ନେବେ। ତାଙ୍କ ପାଇଁ ଦଳ ପଦକ ଜିତିବାକୁ ଚାହେଁ ବୋଲି ଅଧିନାୟକ ହର୍ମନପ୍ରୀତ ପୂର୍ବରୁ କହିଛନ୍ତି । ପରବର୍ତ୍ତୀ ମ୍ୟାଚ୍ରେ ଦଳ ଆସନ୍ତା ୨୯ରେ ଆର୍ଜେଣ୍ଟିନା, ୩୦ରେ ଆୟର୍ଲାଣ୍ଡ, ଅଗଷ୍ଟ ୧ରେ ବେଲଜିୟମ ଏବଂ ୨ ତାରିଖରେ ଅଷ୍ଟ୍ରେଲିଆକୁ ଭେଟିବ । ୨ଟି ଗ୍ରୁପ୍ର ଶ୍ରେଷ୍ଠ ୪ଟି ଲେଖାଏଁ ଦଳ କ୍ୱାର୍ଟର ଫାଇନାଲକୁ ଉନ୍ନୀତ ହେବେ ।
ହକି (ପୁରୁଷ) : ଜର୍ମନପ୍ରୀତ ସିଂ, ଅଭିଷେକ, ମନପ୍ରୀତ ସିଂ, ହାର୍ଦ୍ଦିକ ସିଂ, ଗୁରଜନ୍ତ, ସଞ୍ଜୟ, ମନଦୀପ ସିଂ, ହର୍ମନପ୍ରୀତ ସିଂ (ଅଧିନାୟକ), ଲଳିତ ଉପାଧ୍ୟାୟ, ପି.ଆର ଶ୍ରୀଜେଶ, ସୁମିତ, ଶାମସେର ସିଂ, ରାଜକୁମାର ପାଲ, ଅମିତ ରୋହିଦାସ, ବିକେଶ ପ୍ରସାଦ ଓ ସୁଖଜିତ ସିଂ ।