ମୁମ୍ବାଇ, ୨୪/୪ :  ଜମ୍ମୁ-କଶ୍ମୀରର ପହଲଗାମରେ ହୋଇଥିବା ଆତଙ୍କୀ ଆକ୍ରମଣରେ ୨୬ଲୋକଙ୍କ ମୃତ୍ୟୁ ହୋଇଥିଲା । ଭାରତ ଏହି ଘଟଣା ପରେ ପାକିସ୍ତାନ ଉପରେ କେତେକ ପ୍ରତିବନ୍ଧକ ଲଗାଇଛି । ପୂରା ଭାରତରେ ଏବେ ଦୁଃଖର ମାହୋଲ ଖେଳିଯାଇଛି । ସେହିଭଳି କେନ୍ଦ୍ର ସରକାର ବି ଆକ୍ସନର ରିଆକ୍ସନ ନେବାରେ ଲାଗିଛନ୍ତି । ଏବେ ପାକିସ୍ତାନର ସବୁଠାରୁ ବଡ଼ ଫ୍ରାଞ୍ଚାଇଜ ଲିଗକୁ ବହୁତ ବଡ଼ ଝଟକା ଲାଗିଛି । ପାକିସ୍ତାନ ସୁପର ଲିଗ୍ (PSL)ର ପ୍ରସାରଣ ଏବେ ପର୍ଯ୍ୟନ୍ତ ଲାଇଭ୍ ଷ୍ଟ୍ରିମିଂ ପ୍ଲାଟଫର୍ମ ଫ୍ୟାନକୋର୍ଡ଼ କରୁଥିଲା । ଏବେ ଫ୍ୟାନକୋର୍ଡ଼ PSLର ଲାଇଭ୍ ଷ୍ଟ୍ରିମିଂ ବନ୍ଦ କରିବାକୁ ନିଷ୍ପତ୍ତି ନେଇଛି ।

ଫ୍ୟାନକୋର୍ଡ଼ ଏକ ଭାରତୀୟ ଷ୍ଟ୍ରିମିଂ କମ୍ପାନୀ ଅଟେ , ଯିଏ ପାକିସ୍ତାନ ସୁପର ଲିଗ୍ ଉପରେ ଶକ୍ତ ପ୍ରହାର ଲଗାଇଛି । ୨୪ ଏପ୍ରିଲରୁ ଏବେ PSLର ମ୍ୟାଚ୍ ଫ୍ୟାନକୋର୍ଡ଼ରେ ଲପଲବ୍ଧ ହେବ ନାହିଁ । ଏହି ଫ୍ଲାଟଫର୍ମରେ ଲକ୍ଷାଧିକ ଦର୍ଶକ ପିଏସଏଲର ମ୍ୟାଚ୍ ଲାଇଭ୍ ଦେଖିଥାନ୍ତି, କିନ୍ତୁ ଫ୍ୟାନକୋଡ଼ର ଏହି ନିଷ୍ପତ୍ତି ପରେ ପାକିସ୍ତାନ ସୁପର ଲିଗର ଡିଜିଟାଲ ଭ୍ୟୁଅରଶିପରେ ବହୁଳ ଭାବେ କମି ହୋଇପାରେ ।

PSL ୨୦୨୫ ସିଜନର ଆରମ୍ଭ ୧୧ଏପ୍ରିଲରୁ ହୋଇଥିଲା ଏବଂ ଏହି ଟୁର୍ଣ୍ଣାମେଣ୍ଟ ୧୮ମଇ ପର୍ଯ୍ୟନ୍ତ ଚାଲିବ । ପହଲଗାମ ଆକ୍ରମଣ ପରେ ଶକ୍ତ ଆକ୍ସନ ନେଇ ଫ୍ୟାନକୋଡ଼ ପିଏସଏଲ ୨୦୨୫ସିଜନର ବାକି ମ୍ୟାଚର ପ୍ରସାରଣ କରିବାକୁ ମନା କରି ଦେଇଛି । ଏବେ ପର୍ଯ୍ୟନ୍ତ ପାକିସ୍ତାନ କ୍ରିକେଟ ବୋର୍ଡ଼ ଏହି ବିଷୟରେ କୌଣସି ସୂଚନା ଜାରି କରିନାହିଁ । ମାତ୍ର ଫ୍ୟାନକୋର୍ଡ଼ ଦ୍ବାରା ନିଆଯାଇଥିବା ଏହି ନିଷ୍ପତ୍ତିରେ ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି ।