ନୂଆଦିଲ୍ଲୀ: ଆଇପିଏଲର ୧୮ତମ ସିଜିନରେ ଲଗାତାର ଚତୁର୍ଥ ମ୍ୟାଚ୍ ଜିତି ମୁମ୍ବାଇ ଇଣ୍ଡିଆନ୍ସ ପଏଣ୍ଟ ଟେବୁଲର ଶୀର୍ଷ-୩ରେ ପ୍ରବେଶ କରିଛି। ଦଳ ସନରାଇଜର୍ସ ହାଇଦ୍ରାବାଦକୁ ୭ ୱିକେଟରେ ପରାସ୍ତ କରିଛି। ମୁମ୍ୱାଇର ପୂର୍ବତନ ଅଧିନାୟକ ରୋହିତ ଶର୍ମା ଲଗାତାର ଦ୍ୱିତୀୟ ମ୍ୟାଚ୍ ପାଇଁ ଅର୍ଦ୍ଧଶତକ ହାସଲ କରିଛନ୍ତି। ଏହି ମ୍ୟାଚରେ ଟ୍ରେଣ୍ଟ ବୋଲ୍ଟ ୪ଟି ୱିକେଟ ନେଇଥିଲେ।
ମୁମ୍ବାଇ ହାଇଦ୍ରାବାଦର ରାଜୀବ ଗାନ୍ଧୀ ଷ୍ଟାଡିୟମରେ ଟସ୍ ଜିତି ବୋଲିଂ କରିବାକୁ ଚୟନ କରିଥିଲା। ହାଇଦ୍ରାବାଦ ମାତ୍ର ୩୫ ରନ ସଂଗ୍ରହ କରିବା ମଧ୍ୟରେ ୫ ୱିକେଟ ହରାଇଥିଲା। ହାଇଦ୍ରାବାଦ ପକ୍ଷରୁ ହେନରିକ କ୍ଲାସେନ୍ ଏବଂ ଅଭିନବ ମନୋହର ୯୯ ରନର ଭାଗୀଦାରି ଖେଳିଥିଲେ ଏବଂ ଦଳକୁ ୧୪୩ ରନର ସମ୍ମାନଜନକ ସ୍ଥିତିରେ ପହଞ୍ଚାଇଥିଲେ। ମୁମ୍ବାଇ ୧୬ତମ ଓଭର ସୁଦ୍ଧା ମାତ୍ର ୩ ୱିକେଟ ହରାଇ ଲକ୍ଷ୍ୟ ହାସଲ କରିନେଇଥିଲା।
