ଭୁବନେଶ୍ୱର,୧୩/୬: ରଜ ଉପଲକ୍ଷେ ରିଲିଜ ହେଲା ଓଡ଼ିଆ ସୁପରଷ୍ଟାର ବାବୁଶାନ୍ ମହାନ୍ତିଙ୍କ ଫିଲ୍ମ ‘ପାବାର୍’। ଏହି ଫିଲ୍ମରେ ବାବୁସାନଙ୍କ ସହ ଅଭିନେତ୍ରୀଙ୍କ ଏଲିନାଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଛି । ରଜ ଅବସରରେ ଓଡ଼ିଆ ବାସ୍ନା ଥିବା ଏହି ଫିଲ୍ମର କାହାଣୀ ଓ ସମସ୍ତ ଗୀତ ଦର୍ଶକଙ୍କୁ ବେଶ୍ ଛୁଇଁଛି। ଏହି ଫିଲ୍ମ ଦେଖିବାକୁ ବିଭିନ୍ନ ପ୍ରେକ୍ଷାଳୟରେ ଦର୍ଶକଙ୍କ ଭିଡ ଦେଖିବାକୁ ମିଳିଥିଲା । ସେହିପରି ସ୍ୱାତୀ ଓ ମହାରାଜା ସିନେମା ହଲ୍ରେ ବାବୁଶାନ ଫିଲ୍ମ ପ୍ରଡକ୍ସନର ‘ପାବାର’ର ପ୍ରିମିୟର ସୋ’ ହୋଇଥିଲା। ରଜ ଉପଲକ୍ଷେ ରିଲିଜ୍ ହୋଇଥିବା ‘ପାବାର୍’ରାଜ୍ୟର ୫ଠଟି ସିନେମା ହଲ୍ରେ ଆଜି ମୁକ୍ତିଲାଭ କରିଛି।
ତୃପ୍ତି ଶତପଥୀଙ୍କ ପ୍ରଯୋଜିତ ଓ ଅଶୋକ ପତିଙ୍କ ନିର୍ଦ୍ଦେଶିତ ଫିଲ୍ମ‘ପାବାର’ର ପ୍ରମୁଖ ଭୂମିକାରେ ଥିବା ବାବୁଶାନ ଓ ଏଲିନା ରହିଛନ୍ତି । ଉଭୟଙ୍କୁ ଦୀର୍ଘ ୮ ବର୍ଷ ପରେ ବଡ଼ ପରଦାରେ ଏକାଠି ଦେଖିବାକୁ ମିଳିଛି। ଅନ୍ୟାନ୍ୟ ପ୍ରମୁଖ ଚରିତ୍ରରେ ଅପରାଜିତା ମହାନ୍ତି, ଜୟପ୍ରକାଶ ଦାଶ, କ୍ରିଷ୍ଣା କର, ବବି ମିଶ୍ର, ପପୁ ପମ୍ପମ୍, ରବି ମିଶ୍ର, ଅନୁଗୁଳିଆ ବଣ୍ଟି, ସୋମୁ, ଭକ୍ତି ଓ ବାପି ପ୍ରମୁଖ ଅଭିନୟ କରିଛନ୍ତି। ପ୍ରିମିୟର୍ରେ ଏମାନେ ସମସ୍ତେ ଉପସ୍ଥିତ ଥିଲେ। ଯୁବ ସଙ୍ଗୀତ ନିର୍ଦ୍ଦେଶକ ଗୌରବ ଆନନ୍ଦ ଏଥିରେ କମାଲ୍ କରିଛନ୍ତି ବୋଲି କୁହାଯାଉଛି। ‘ପାବାର୍’ର ‘ନାଲିଶାଢ଼ି..’ ଓ ‘ଲାଲ୍ ଟହ ଟହ..’ ଗୀତ ସମୟରେ ହଲ୍ରେ ଦର୍ଶକ ନାଚି ଉଠିଥିଲେ।