ଭୁବନେଶ୍ୱର, ୦୩/୦୭ : ଓଡ଼ିଶା ଷ୍ଟାଫ୍ ସିଲେକ୍ସନ କମିଶନ (ଓଏସ୍ଏସ୍ସି) ପକ୍ଷରୁ କମ୍ବାଇନ୍ଡ୍ ଗ୍ରାଜୁଏଟ୍ ଲେଭଲ୍ ନିଯୁକ୍ତି ପରୀକ୍ଷା (ସିଜିଏଲ୍ଆର୍ଇ) ମେନ୍ -୨୦୨୩ ପାର୍ଟନ୍ରେ ପରିବର୍ତ୍ତନ କରାଯାଇଛି । ମାତ୍ର ସିଲାବସ୍ ସମାନ ରହିଛି । ଏନେଇ ଓଏସ୍ଏସ୍ସି ପକ୍ଷରୁ ସୂଚନା ଦିଆଯାଇଛି ।
ସୂଚନାଯୋଗ୍ୟ, ସିଜିଏଲ୍ଆର୍ଇ ମେନ୍ ପରୀକ୍ଷା ଅଗଷ୍ଟ ୨୪ରେ ହେବ । ଏଥିରେ ଗ୍ରୁପ୍ ବି ଏବଂ ସି ଅଫିସର ନିଯୁକ୍ତି କରାଯିବ । ତେବେ ପରୀକ୍ଷା ପୂର୍ବରୁ ପରୀକ୍ଷା ଢାଞ୍ଚାରେ ପରିବର୍ତ୍ତନ କରାଯାଇଛି । ଏଥିରେ ଭାଷା ପେପରର ୮୦ ମାର୍କ ମଲ୍ଟିପୁଲ ଚଏସ୍ର ପ୍ରଶ୍ନ ଆସିବ । ଆଉ ୨୦ ମାର୍କ ଅନୁବାଦ ଓ ସାରାଂଶ ଲିଖନ ଆସିବ । ଏହା ପରୀକ୍ଷା ବୁକ୍ଲେଟ୍ରେ ପିଲାମାନେ ଲେଖିବେ । ସେହିପରି ଗତବର୍ଷ ସିଜିଏଲ୍ଆର୍ଇ ପରୀକ୍ଷାର ଜେନେରାଲ ଷ୍ଟଡିଜ୍ରେ ୨ ପ୍ରକାରର ଅର୍ଥାତ୍ ଅବ୍ଜେକ୍ଟିଭ୍ ଏବଂ କ୍ଷୁଦ୍ର ପ୍ରଶ୍ନ ଆସିଥିଲା । ମାତ୍ର ଚଳିତବର୍ଷ କେବଳ ଅବଜେକ୍ଟିଭ୍ ପ୍ରଶ୍ନ ଆସିବ । ସେହିପରି ସମସ୍ତ ଏମ୍ସିକ୍ୟୁ ପ୍ରଶ୍ନର ମାର୍କରେ ଭୁଲ୍ ଉତ୍ତର ଦେଲେ ନେଗେଟିଭ୍ ମାର୍କିଂ ରହିଛି ।
