ନୂଆଦିଲ୍ଲୀ: ପ୍ୟାରିସ ଅଲିମ୍ପିକ୍ସରେ ଭାରତୀୟ ତୀରନ୍ଦାଜଙ୍କ ପ୍ରଦର୍ଶନ ଦେଖିବାକୁ ମିଳିବ । ଏଥର ୬ ଭାରତୀୟ ତୀରନ୍ଦାଜ ଅଲିମ୍ପିକ୍ସରେ ଖେଳିବା ପାଇଁ ଯୋଗ୍ୟ ବିବେଚିତ ହୋଇଛନ୍ତି । ସେମାନଙ୍କ ମଧ୍ୟରେ ଦୀପିକା କୁମାରୀ, ଅଙ୍କିତା ଭଗତ ଏବଂ ତରୁଣଦୀପ ରାୟ ସାମିଲ ହୋଇଛନ୍ତି । ଏହି ସବୁ ଆଥଲେଟଙ୍କ ପାଖରୁ ଉଭୟ ଏକକ ଏବଂ ଡବଲ୍ସରେ ମେଡାଲ ଜିତିବା ଲାଗି ଆଶା ରହିବ । କିନ୍ତୁ ଏହି ଧୁନୁ ଚାଳନା ଖେଳରେ ଭାରତର ଇତିହାସ କେବେ ବି ଭଲ ନାହିଁ । ତୀରନ୍ଦାଜୀରେ କୌଣସି ଭାରତୀୟ ଆଥଲେଟ୍ ପଦକ ହାସଲ କରିପାରି ନାହାନ୍ତି ।
ଅଲିମ୍ପିକ୍ସରେ ୧୯୯୦ରେ ତୀରନ୍ଦାଜୀକୁ ସାମିଲ କରାଯାଇଥିଲା । ହେଲେ ଭାରତୀୟ ତୀରନ୍ଦାଜ ୧୯୮୮ରେ ଅଲିମ୍ପିକ୍ସରେ ଡେବ୍ୟୁ କରିଥିଲେ । ଏହା ପରେ ସମସ୍ତ ଅଲିମ୍ପିକ୍ସରେ ଭାରତୀୟ ତୀରନ୍ଦାଜ ପ୍ରଦର୍ଶନ କରିଆସିଛନ୍ତି । କିନ୍ତୁ କେବେ ମେଡାଲ ମିଳିପାରି ନାହିଁ । ୨୦୨୪ ଅଲିମ୍ପିକ୍ସରେ ହୁଏତ ଏହି ଆଶା ପୂରଣ ହୋଇପାରେ । ତୀରନ୍ଦାଜୀ ପ୍ରତିଯୋଗୀତା ଜୁଲାଇ ୨୫ରୁ ଆରମ୍ଭ ହେବାକୁ ଥିବା ବେଳେ ଅଗଷ୍ଟ ୪ ସୁଦ୍ଧା ସିଙ୍ଗଲ ଓ ଡବଲ୍ସ କ୍ୟାଟେଗୋରିର ସବୁ ପ୍ରତିଯୋଗୀତା ସମାପ୍ତ ହେବ ।
ତୀରନ୍ଦାଜୀରେ ଭାରତୀୟ ଆଥଲେଟ୍ ଫାଇନାଲ୍ ତ ଦୂରର କଥା ସେମିଫାଇନାଲରେ ପ୍ରବେଶ କରିପାରି ନାହାନ୍ତି । ୨୦୦୮ ବେଜିଂ ଅଲିମ୍ପିକ୍ସ ଏବଂ ୨୦୧୬ ଅଲିମ୍ପିକ୍ସରେ ମହିଳା ଟିମ୍ କ୍ବାଟର ଫାଇନାଲରେ ପ୍ରବେଶ କରିଥିଲା । ୨୦୨୦ ଟୋକିଓ ଅଲିମ୍ପିକ୍ସରେ ପୁରୁଷ ଟିମ୍, ମିକ୍ସଡ୍ ଟିମ୍ ଏବଂ ମହିଳା ଏକକରେ ଭାରତ ପକ୍ଷରୁ ଦୀପିକା କୁମାରୀ କ୍ବାଟର ଫାଇନାଲରେ ପ୍ରବେଶ କରିଥିଲେ ।
ସେମାନଙ୍କ ବ୍ୟତୀତ ଭାରତର କୌଣସି ତୀରନ୍ଦାଜ ଅଲିମ୍ପିକ୍ସର କ୍ବାଟର ଫାଇନାଲରେ ବି ପ୍ରବେଶ କରିନାହାନ୍ତି । ମହିଳା ତୀରନ୍ଦାଜ ଦୀପିକା କୁମାରୀ, ଅଙ୍କିତା ଭଗତ ଏବଂ ଭଜନ କୌର ଉଭୟ ଏକକ ଏବଂ ଡବଲ୍ସରେ ଭାରତର ପ୍ରତିନିଧିତ୍ବ କରିବେ । ପୁରୁଷ ଆଥଲେଟ ତରୁଣଦୀପ ରାୟ, ଧୀରଜ ବୋମ୍ମାଦେବାରା ଏବଂ ପ୍ରବୀଣ ଯାଦବଙ୍କୁ ତୀରନ୍ଦାଜୀ ପ୍ରତିଯୋଗୀତାରେ ଅଂଶଗ୍ରହଣ କରିବେ ।
