ନୂଆଦିଲ୍ଲୀ,୧୦।୪: ମାସକୁ ରୋଜଗାର ମାତ୍ର ୧୨ ହଜାର। ହେଲେ ଆସିଲା ୩୬ କୋଟି ଟଙ୍କାର ଆୟକର ନୋଟିସ୍। ଏଭଳି ଏକ ଘଟଣା ଗୁଜରାଟୁ ଆସିଛି। ସାବରକାଣ୍ଠା ଜିଲ୍ଲା ଅନ୍ତର୍ଗତ ରତନପୁର ଗାଁରେ ରହୁଥିବା ଜଣେ ବ୍ୟକ୍ତିକୁ ଆସିଛି ଆୟକର ବିଭାଗର ନୋଟିସ୍। ବ୍ୟକ୍ତିଜଣକ ଅଫିସ ବୟ ଭାବରେ କାମ କରନ୍ତି। ଏବେ ଆକାଉଣ୍ଟରେ ତାଙ୍କର ରହିଛି ମାତ୍ର ୧୨ ଟଙ୍କା।
ପ୍ରାଇଭେଟ୍ କମ୍ପାନୀରେ ଅଫିସ ବୟ ଭାବରେ କରନ୍ତି କାମ। ହେଲେ ଆୟକର ବିଭାଗରୁ ଆସିଲା ୩୬ କୋଟି ଟଙ୍କାର ନୋଟିସ୍। ୟାକୁ ଦେଖି ଚିନ୍ତାରେ ପଡିଗଲେ ଜିତେଶ କୁମାର ମକଓ୍ବାନା। ତାଙ୍କର କହିବା ବ୍ୟକ୍ତିଙ୍କ କହିବା ଅନୁସାରେ ମୋ ବ୍ୟାଙ୍କ ଖାତାରେ ଅଛି ମାତ୍ର ୧୨ ଟଙ୍କା। ହେଲେ ମୋତେ ନୋଟିସ୍ ଆସିଛି ୩୬ କୋଟି ଟଙ୍କାର। ନୋଟିସ୍ ପାଇବା ପରେ ମୁଁ ଆଶ୍ଚର୍ଯ୍ୟ ହୋଇଯାଇଥିଲି। ଏନେଇ ଜିତେଶ ସ୍ଥାନୀୟ ପୋଲିସ ଷ୍ଟେସନ୍ରେ ଯୋଗାଯୋଗ କରିଛନ୍ତି। ଯାହାକୁ ଏବେ ସାଇବର ୟୁନିଟ୍ ନିକଟକୁ ପଠାଇ ଦିଆଯାଇଛି। ସାଇବର ୟୁନିଟ୍ ତାଙ୍କୁ ଜିଏସ୍ଟି ଅଧିକାରୀଙ୍କ ସହ ଯୋଗାଯୋଗ କରିବାକୁ କହିଛନ୍ତି।
ଜିତେଶଙ୍କ କହିବା ଅନୁସାରେ, ମୋତେ ଆରମ୍ଭରୁ ଲାଗୁଥିଲା ଭୁଲରେ ଆସିଛି। କିନ୍ତୁ ପରେ ଜଣା ପଡିଥିଲା ଏହା ସତ। କୁହାଯାଉଛି ଯେ, ଜିତେଶଙ୍କ ପରମାନେଣ୍ଟ ଆକାଉଣ୍ଟ ନମ୍ବରର ବ୍ୟବହାର ଜିଏସ୍ଟି ଫାଇଲିଂର ଠକେଇ ପାଇଁ କରାଯାଇଥିଲା। ଆୟକର ବିଭାଗର ଜଣେ ଅଧିକାରୀ କହିଛନ୍ତି ଜିଏସ୍ଟି ବିଭାଗ ହାଇ ଭ୍ୟାଲୁ ଲେଣଦେଣକୁ ହୋଇଥିବା ଜାଣିବାକୁ ପାଇଛି। ଏହା ବିରୋଧରେ ଯାଞ୍ଚ ଜାରି ରହିଛି। ଏହା ବିଲିଂ ଠକେଇ ମାମଲା ହୋଇପାରେ, ଯେଉଁଥିରେ ବ୍ୟକ୍ତିଙ୍କ ସମ୍ପୂର୍ଣ୍ଣ ସୂଚନା ଦିଆନଯାଇ ତା’ର ବ୍ୟାଙ୍କ ଓ ବ୍ୟକ୍ତିଗତ ଡିଟେଲକ୍ସର ଦୁରୁପଯୋଗ କରାଯାଇଥାଏ। ୫ ଜଣ ପରିବାରରେ ଜିତେଶ ଏକା ରୋଜଗାର କରନ୍ତି। ସେ କହିଛନ୍ତି, ଷ୍ଟେଟମେଣ୍ଟର ଯାଞ୍ଚ କରିଥିଲେ। ହେଲେ ସେଥିରେ ସେଭଳି କିଛି ଅସ୍ବାଭାବିକ ଲାଗି ନଥିଲା। ଆୟକର ଅଧିନିୟମର ଧାରା ୧୪୮(୧) ଅନୁସାରେ, ତାଙ୍କୁ ୨୯ ମାର୍ଚ୍ଚରେ ନୋଟିସ୍ ଜାରି କରାଯାଇଥିଲା। ତାଙ୍କ ଉପରେ ୨୦୨୦-୨୧ ବେଳେ ୩୬,୦୩,୫୮,୯୧୫ ଅର୍ଥ ଲେଣଦେଣକୁ ଲୁଚାଇଥିବାର ଅଭିଯୋଗ ଲଗାଯାଇଛି।
