ନୂଆଦିଲ୍ଲୀ: ଦାଉଦି ବୋହରା ମୁସଲିମ୍ ସଂପ୍ରଦାୟର ଏକ ପ୍ରତିନିଧି ଦଳ ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିଛି । ଓ୍ବାକଫ ଆକ୍ଟରେ ସଂଶୋଧନ ପାଇଁ ମୋଦୀଙ୍କୁ ଧନ୍ୟବାଦ ଦେଇଛି ଏହି ପ୍ରତିନିଧି ଦଳ । ଏହି ସଂଶୋଧନ ସମାଜର ଦୀର୍ଘ ଦିନର ବିଚାରାଧୀନ ଦାବିଗୁଡିକ ମଧ୍ୟରେ ଥିଲା ଏବଂ ଏହାକୁ ପୂରଣ କରି ପ୍ରଧାନମନ୍ତ୍ରୀ ସେମାନଙ୍କ ଆତ୍ମବିଶ୍ୱାସକୁ ଦୃଢ଼ କରିଛନ୍ତି ।
ଏହି ପ୍ରତିନିଧି ଦଳ ପ୍ରଧାନମନ୍ତ୍ରୀଙ୍କ 'ସବକା ସାଥ, ସବ୍କା ବିକାଶ, ସବ୍କା ବିଶ୍ୱସ' ନୀତି ଉପରେ ସମ୍ପୂର୍ଣ୍ଣ ବିଶ୍ୱାସ ପ୍ରକାଶ କରିଛନ୍ତି ଏବଂ କହିଛନ୍ତି ଯେ, ସରକାର ଗ୍ରହଣ କରିଥିବା ନିଷ୍ପତ୍ତି ପ୍ରଗତିର ଉଦ୍ଦେଶ୍ୟକୁ ଦର୍ଶାଉଛି। ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଦେଶରେ ଘଟୁଥିବା ସକରାତ୍ମକ ପରିବର୍ତ୍ତନକୁ ସେମାନେ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ ଦାଉଦି ବୋହରା ସମ୍ପ୍ରଦାୟର ପ୍ରତିନିଧିମାନଙ୍କ ସହିତ ଆଲୋଚନା କରିଛନ୍ତି । ଜାତୀୟ ସ୍ୱାର୍ଥରେ ସମ୍ପ୍ରଦାୟର ଅବଦାନକୁ ପ୍ରଶଂସା କରିଛନ୍ତି ଏବଂ ସବୁ ସମ୍ପ୍ରଦାୟର ବିକାଶ ପାଇଁ ସର୍ବଦା ପ୍ରତିବଦ୍ଧ ବୋଲି କହିଛନ୍ତି ମୋଦୀ । ୱାକଫ୍ (ସଂଶୋଧନ) ବିଲ୍, ୨୦୨୫ ଉଭୟ ଲୋକସଭା ଏବଂ ରାଜ୍ୟସଭାରେ ଅନୁମୋଦନ ପାଇବା ପରେ ରାଷ୍ଟ୍ରପତିଙ୍କ ପାଖକୁ ଯାଇଥିଲା ।ରାଷ୍ଟ୍ରପତିଙ୍କ ଅନୁମୋଦ ପାଇବା ପରେ ଆଇନ୍ରେ ପରିଣତ ହୋଇଛି । କିନ୍ତୁ ଏହାକୁ ବିରୋଧ କରି ବିଭିନ୍ନ ମୁସଲିମ୍ ସଂଗଠନ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ।
