ନୂଆଦିଲ୍ଲୀ,୧୧।୩: ୟୁପିଆଇ ଓ ରୁପେ ଡେବିଟ୍ କାର୍ଡ ଜରିଆରେ ଲେଣଦେଣ ଉପରେ ଖୁବ୍ ଶୀଘ୍ର ଲାଗିବ ଚାର୍ଜ। ଅର୍ଥାତ ୟୁପିଆଇ କରିବା ହେବନି ଫ୍ରି। ଏଥିପାଇଁ ଅଲଗା ଭାବରେ ଟଙ୍କା ଦେବାକୁ ପଡିପାରେ। ଏକ ରିପୋର୍ଟ ଅନସାରେ, ସରକାର ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ (ୟୁପିଆଇ) ଓ ରୁପେ ଡେବିଟ୍ କାର୍ଡ ଜରିଆରେ କରାଯାଇଥିବା ଲେଣଦେଣ ଉପରେ ମର୍ଚେଣ୍ଟ ଚାର୍ଜେସ୍ ଫେରାଇ ଆଣିବାର ମୂଲ୍ୟାଙ୍କନ କରୁଛି। ଯଦି ଏଭଳି ହୁଏ ତେବେ ଡିଜିଟାଲ ପେମେଣ୍ଟ ମହଙ୍ଗା ହୋଇଯିବ। 

‘ଦ ଇକୋନୋମିକ୍ସ ଟାଇମ୍’ର ରିପୋର୍ଟ ଅନୁସାରେ, ସରକାର ଏହି ଟ୍ରାଞ୍ଜାକସନ୍ ଉପରେ ମର୍ଚେଣ୍ଟ ଚାର୍ଜେସ୍ ଲଗାଇବାର ପ୍ରସ୍ତୁତି କରୁଛି। ଉଲ୍ଲେଖନୀୟ ଯେ, ଡିଜିଟାଲ ପେମେଣ୍ଟ ଇଣ୍ଡଷ୍ଟ୍ରୀଜ୍‌ରେ ମର୍ଚେଣ୍ଟ ଇଣ୍ଡଷ୍ଟ୍ରୀଜ୍‌ରେ ମର୍ଚେଣ୍ଟ କିମ୍ବା ଦେକାନୀଙ୍କୁ ପେମେଣ୍ଟ ସର୍ଭିସ ଆରମ୍ଭ କରିବାକୁ ଦେବାକୁ ପଡିଥାଏ। ଏହି ଶୁଳ୍କକୁ ୨୦୨୨ ରେ ସରକାରଙ୍କ ଦ୍ବାରା କ୍ଷମା କରି ଦିଆଯାଇଥିଲା। ଏବେ ଖବର ରହିଛି ଯେ, ସରକାର ଏହାକୁ ଲାଗୁ କରିବା ଉପରେ ବିଚାର କରିପାରନ୍ତି। ବର୍ତ୍ତମାନ ୟୁପିଆଇ ଓ ରୁପେ ଡେବିଟ୍ କାର୍ଡ ପରିଶୋଧ ଉପରେ କୌଣସି ଏମ୍‌ଡିଆର ଲାଗୁ ହୋଇନାହିଁ, ଯାହାକୁ ନ୍ୟାସନାଲ ପେମେଣ୍ଟସ୍ କର୍ପୋରେସନ୍ ଅଫ୍ ଇଣ୍ଡିଆ(ଏନ୍‌ପିସିଆଇ) ମାଧ୍ୟରେ ସୁଗମ କରାଯାଇଥାଏ।

ରିପୋର୍ଟରେ ଜଣେ ବ୍ୟାଙ୍କର କହିଛନ୍ତି, ବଡ ବେପାରୀଙ୍କ ପାଇଁ ୟୁପିଆଇ ଲେଣଦେଣ ଉପରେ ଏମ୍‌ଡିଆରକୁ ପୁଣିଥରେ ଲାଗୁ କରିବାର ଔପଚାରିକ ଅନୁରୋଧ ବ୍ୟାଙ୍କିଙ୍ଗ ଉଦ୍ୟୋଗ ଦ୍ବାରା କେନ୍ଦ୍ର ସରକାରଙ୍କୁ ପ୍ରସ୍ତୁତ କରାଯାଇଛି ଓ ସମ୍ପର୍କିତ ବିଭାଗ ଏହାର ସମୀକ୍ଷା କରୁଛନ୍ତି। ପ୍ରସ୍ତାବ ଅନୁସାରେ, ୪୦ ଲକ୍ଷ ଟଙ୍କାରୁ ଅଧିକ ବାର୍ଷିକ କାରବାର ଥିବା ବେପାରୀଙ୍କ ପାଇଁ ୟୁପିଆଇ ଲେଣଦେଣ ନିଶୁଳ୍କ ରହିବ। ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ(NPCI) ଅନୁସାରେ, ଫେବୃଆରୀ ୨୦୨୫ ରେ ୟୁପିଆଇ ୧୬.୧୧ ବିଲିୟନ ଲେଣଦେଣ ରେକର୍ଡ କରାଯାଇଛି। ଏହାର ରାଶି ପ୍ରାୟ ୨୨ ଟ୍ରିଲିୟନ ଟଙ୍କା ଥିଲା। ଜାନୁଆରୀରେ ମୋଟ ଲେଣଦେଣ ୧୬.୯୯ ବିଲିୟନ ଥିଲା।

ଆହୁରି କମିବ ଟାକ୍ସ! ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ବଡ଼ ସଂକେତ