ରାଉରକେଲା ୨୫/୦୩: ରାଉରକେଲା ସେକ୍ଟର ୬ ସ୍ଥିତ ଟେଲିଫୋନ ଭବନ ପୂଜା ପଡ଼ିଆରେ ଥିବା ପୂଜା ମଣ୍ଡପରେ ଅଗ୍ନିକାଣ୍ଡ । ନିଆଁରେ ପୋଡି ହୋଇ ଜଣେ ୧୨ ବର୍ଷର ନାବାଳକ ଜୀବନ୍ତ ଦଗ୍ଧ ହୋଇଛି । ମୃତ ନାବାଳକର ପରିଚୟ ବାଦଲ ମହାରଣା ବୋଲି ଜଣାପଡିଛି।
ସୂଚନା ମୁତାବକ, ସେକ୍ଟର ୬ ବିବେକାନନ୍ଦ ବସ୍ତିରେ ରହୁଥିବା ୫ ଜଣ ପିଲା ଖେଳିବା ଲାଗି ସେହି ପୂଜା ମଣ୍ଡପକୁ ଯାଇଥିଲେ। ପୂଜା ମଣ୍ଡପରେ ଲୁହା ଗ୍ରିଲ ଲାଗି ଥିଲା। ଲୁହା ଗ୍ରିଲ୍ ଉପରେ ଚଢ଼ି ଭିତରେ ପଶି ଖେଳୁଥିବା ବେଳେ ହଠାତ ନିଆଁ ଲାଗି ଯାଇଥିଲା। ଖବର ପାଇ ପୋଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ହେଲେ ସେତେବେଳକୁ ନାବାଳକ ଜଣକ ଭିତରେ ଜୀବନ୍ତଦଗ୍ଧ ହୋଇସାରିଥିବା କୁହାଯାଉଛି।
