କଟକ,୨୫/୩ : ଭାବ ବିହ୍ଵଳ ହୋଇ ଉଠିଲେ ମନ୍ତ୍ରୀ ରବି ନାରାୟଣ ନାୟକ । ପୂର୍ବତନ କେନ୍ଦ୍ରମନ୍ତ୍ରୀ ଡାକ୍ତର ଦେବେନ୍ଦ୍ର ପ୍ରଧାନଙ୍କ ସ୍ମୁତି ଚାରଣ କଲାବେଳେ, କିଛି ପୁରୁଣା କଥାକୁ ମନେ ପକାଇ ସଭା ମଞ୍ଚରେ କାନ୍ଦି ପକାଇଲେ ମନ୍ତ୍ରୀ ରବି ନାରାୟଣ । ସ୍ବର୍ଗତ ଡାକ୍ତର ପ୍ରଧାନଙ୍କ ଉଦ୍ଦେଶ୍ୟରେ ଆଜି କଟକରେ ଆୟୋଜିତ ହୋଇଥିଲା ସର୍ବଦଳୀୟ ଶ୍ରଦ୍ଧାଞ୍ଜଳୀ ସଭା ।
ଯେଉଁଥିରେ ପ୍ରାୟ ସମସ୍ତ ରାଜନୈତିକ ଦଳର ନେତୃ ମଣ୍ଡଳୀ ଯୋଗଦେଇ ଡାକ୍ତର ପ୍ରଧାନଙ୍କ ସ୍ମୁତି ଚାରଣ କରିଛନ୍ତି । ଏହି ସଭାରେ ମୁଖ୍ୟ ଅତିଥି ଭାବେ ମନ୍ତ୍ରୀ ରବି ନାରାୟଣ ନାୟକ ଯୋଗଦେଇ ତାଙ୍କର ପୂର୍ବ ଅନୁଭୂତିକୁ ଭାଷଣ ଆକାରରେ ରଖିଥିଲେ । ଡାକ୍ତର ଦେବେନ୍ଦ୍ର ପ୍ରଧାନଙ୍କର ଓଡ଼ିଶା ପ୍ରତି ଥିବା ଅବଦାନ ତାଙ୍କୁ ଚିର ସ୍ମରଣୀୟ କରି ରଖିବ ବୋଲି ସ୍ମୁତି ସଭାରେ ମତ ପ୍ରକାଶ ପାଇଛି ।
