ଜୟପୁର,୨୫/୩ : ଆଳୁପିଆଜବସ୍ତା ବୋହୁଛନ୍ତି ଛାତ୍ରଛାତ୍ରୀ । ସ୍କୁଲ ସମୟରେବିପଦପୂର୍ଣ୍ଣ ଅବସ୍ଥାରେ କାନ୍ଧରେ, ହାତରେବୋହି ରାସ୍ତା ପାରିହୋଇ ଦୋକାନରୁ ସ୍କୁଲକୁ ନେଉଛନ୍ତି । ଆଜି ଏଭଳି ଦୃଶ୍ୟ ଦେଖିବାକୁ ମିଳିଥିଲା ଜାମୁଣ୍ଡା ପ୍ରାଥମିକ ସ୍କୁଲରେ । କେତେକ ଯୁବକ ଏହାର ଭିଡିଓ ଉତ୍ତୋଳନକରି ଭାଇରାଲ କରିଛନ୍ତି । ପ୍ରଧାନଶିକ୍ଷକଏଥିପାଇଁ କିପରି ଅନୁମତି ଦେଲେ ତାକୁ ନେଇପ୍ରଶ୍ନ କରିଛନ୍ତି ସ୍ଥାନୀୟ ବାସିନ୍ଦା । ରାସ୍ତାରେଯଦି କୌଣସି ଅଘଟଣ ଘଟେ, ସେଥିଲାଗିକିଏ ଦାୟୀ ରହିବେ ବୋଲି ପଚାରିଛନ୍ତି । ଏଥିଲାଗି ପ୍ରଧାନଶିକ୍ଷକଙ୍କ ବିରୋଧରେ ଦୃଢକାର୍ଯ୍ୟାନୁଷ୍ଠାନ ଦାବି କରିଛନ୍ତି ।ସ୍ଥାନୀୟ ବାସିନ୍ଦା କହିଛନ୍ତି, ଆଜି ସ୍କୁଲସମୟରେ ପିଲାଙ୍କୁ କିରାଣା ଦୋକାନକୁପଠାଯାଇଥିଲା । ଆଳୁ ଓ ପିଆଜ ଆଣିବାକୁପ୍ରଧାନଶିକ୍ଷକ ନିର୍ଦ୍ଦେଶ ଦେଇଥିଲେ । ବାଧ୍ୟ ହୋଇ ସ୍କୁଲ ପୋଷାକରେ ଥାଇ ବିପିଲାମାନେ ବସ୍ତା ବୋହିବୋହି ସ୍କୁଲକୁଆଣିଥିଲେ ।
ଜାମୁଣ୍ଡା ମୁଖ୍ୟରାସ୍ତାରେସବୁବେଳେ ଗାଡିମୋଟର ଯିବାଆସିବାକରୁଛି । ପାଦେ ପାଦେ ଦୁର୍ଘଟଣାର ଭୟରହିଛି । ଅନ୍ୟ କର୍ମଚାରୀ କିମ୍ବା ଖଲାସିଙ୍କଦ୍ୱାରା ସେ ଆଳୁପିଆଜ ଆଣିପାରିଥାନ୍ତେ । ଏହା ନକରି ପିଲାଙ୍କ ଦ୍ୱାରା କରାଇବାସଂପୂର୍ଣ୍ଣ ବେଆଇନ । ଏହାର ତଦନ୍ତକରାଯାଇ ପ୍ରଧାନଶିକ୍ଷକଙ୍କ ବିରୋଧରେକାର୍ଯ୍ୟାନୁଷ୍ଠାନ ନିଆଯାଉ ।ଏ ସମ୍ପର୍କରେ ଆମେ ଜାମୁଣ୍ଡାପ୍ରଧାନଶିକ୍ଷକ ସୋମନାଥ ଗାଦବାଙ୍କୁପଚାରିବାରୁ କହିଛନ୍ତି, ବୁଦବାରସ୍କୁଲର ବାର୍ଷିକୋତ୍ସବ ପାଳନ କରାଯିବ ।
ଏଥିଲାଗି ସେ ସବୁ ସାମଗ୍ରୀ ପିଲାଙ୍କ ଦ୍ୱାରାଅଣାଇଥିଲେ । କର୍ମଚାରୀଙ୍କ ଦ୍ୱାରା ଏସବୁସାମଗ୍ରୀ ନଆଣି ପିଲାଙ୍କ କାନ୍ଧରେ କାହିଁକିଲଦିଲେ ବୋଲି ପଚାରିବାରୁ କୌଣସିଉତ୍ତର ଦେଇପାରି ନଥିଲେ । ବିଇଓ ଚନ୍ଦନକୁମାର ନାୟକ କହିଛନ୍ତି, ପ୍ରଧାନଶିକ୍ଷକଙ୍କସହ ଯୋଗାଯୋଗ କରିବାକୁ ଉଦ୍ୟମକରିଥିଲେ । ସେ ଫୋନ ଉଠାଉନଥିବାରୁପଚାରିପାରି ନାହାନ୍ତି । ତଦନ୍ତ କରିକାର୍ଯ୍ୟାନୁଷ୍ଠାନ ନେବେ ।
