ଭୁବନେଶ୍ବର,୨୮/୬ : ମନୋଜ ଆହୁଜା ହେବେ ଓଡ଼ିଶା ମୁଖ୍ୟ ଶାସନ ସଚିବ । ସାଧାରଣ ପ୍ରଶାସନ ବିଭାଗ ପକ୍ଷରୁ ଏହି ବିଜ୍ଞପ୍ତି ପ୍ରକାଶ ପାଇଛି । ବର୍ତ୍ତମାନ ମୁଖ୍ୟ ଶାସନ ସଚିବ ଅଛନ୍ତି ପି.କେ ଜେନା । ତାଙ୍କର କାର୍ଯ୍ୟକାଳ ଆସନ୍ତା ଜୁନ୍ ୩୦ତାରିଖରେ ଶେଷ ହେଉଛି । ଏହାପରେ ଆଗାମୀ ଦିନରେ କିଏ ହେବେ ମୁଖ୍ୟ ଶାସନ ସଚିବ ତାକୁ ନେଇ ଚାଲିଥିଲା କଳ୍ପନା ଜଳ୍ପନା । ଏହାରି ଭିତରେ ଏହି ଚର୍ଚ୍ଚାରେ ପୂର୍ଣ୍ଣ ଚ୍ଛେଦ ପଡ଼ିଛି । ୧୯୯୦ବ୍ୟାଚର ଆଇଏଏସ ଅଧିକାରୀ ମନୋଜ ଆହୁଜା ହୋଇଛନ୍ତି ମୁଖ୍ୟ ଶାସନ ସଚିବ ।
ଶ୍ରୀ ଆହୁଜା ପାଖାପାଖି ୧୨ବର୍ଷ ହେବ କେନ୍ଦ୍ରୀୟ ଡେପୁଟେସନରେ ଥିଲେ। କୃଷି ବିଭାଗର ସଚିବ ଭାବେ ସେ କେନ୍ଦ୍ରରେ କାର୍ଯ୍ୟ କରୁଥିଲେ । ବର୍ତ୍ତମାନ ସେ ଓଡ଼ିଶା ଆସିଛନ୍ତି । ପି.କେ ଜେନାଙ୍କ କାର୍ଯ୍ୟକାଳ ଆସନ୍ତା ଜୁନ୍ ୩୦ତାରିଖରେ ସରୁଥିବାବେଳେ ରାଜ୍ୟରେ ନୂତନ ସରକାର କିନ୍ତୁ ତାଙ୍କର କାର୍ଯ୍ୟକାଳ ବଢାଇ ନାହାନ୍ତି । ବରିଷ୍ଠତା ଦୃଷ୍ଟିରୁ ଶ୍ରୀ ଆହୁଜାଙ୍କୁ ଏହି ଆସନରେ ବସାଇଛି ରାଜ୍ୟ ବିଜେପି । ତାଙ୍କର କାର୍ଯ୍ୟକାଳ ଆଗାମୀ ୬ମାସ ପର୍ଯ୍ୟନ୍ତ ରହିଛି । କେନ୍ଦ୍ର ଡେପୁଟେସନରୁ ଫେରିବା ପରେ ତାଙ୍କ ନାଁ ଚର୍ଚ୍ଚା ହେଉଥିଲା । ଯେତେବେଳେ ନିର୍ବାଚନରେ ଓଡ଼ିଆ ଅସ୍ମିତା କଥା ଉଠିଥିଲା ଏଣୁ ଅନୁମାନ କରାଯାଉଥିଲା କି କେହି ଓଡ଼ିଆ ହେବେ ମୁଖ୍ୟ ଶାସନ ସଚିବ । ଏଣୁ ତାଙ୍କୁ ଅନୁମାନ କରାଯାଉଥିଲା କି ଅନ୍ୟ କୌଣସି ବିଭାଗ ଦେଇପାରନ୍ତି । ମାତ୍ର ସବୁ ଚର୍ଚ୍ଚାକୁ ଶେଷ କରି ମନୋଜ ଆହୁଜା ହୋଇଛନ୍ତି ମୁଖ୍ୟ ଶାସନ ସଚିବ । ଯାହା ସୂଚନା ରହିଛି ରାଜ୍ୟ ସରକାରଙ୍କ ପକ୍ଷରୁ ତାଙ୍କ ନାଁକୁ ସୁପାରିଶ କରାଯାଇଥିଲା ପରେ ସାଧାରଣ ପ୍ରଶାସନ ବିଭାଗ ପକ୍ଷରୁ ଏହି ବିଜ୍ଞପ୍ତି ପ୍ରକାଶ ପାଇଛି । ଗତ ମଙ୍ଗଳବାର ତାଙ୍କୁ ରିଲିଜ କରାଯାଇଥିଲା । ଯେହେତୁ ରାଜ୍ୟରେ ୨୪ବର୍ଷର ସରକାର ପରିବର୍ତ୍ତନ ହୋଇଛି ଏଣୁ ଶ୍ରୀ ଆହୁଜାଙ୍କ ପାଇଁ ନିଶ୍ଚିତ ଭାବେ ତାଙ୍କର ଏହି ଦାୟିତ୍ବ ଚ୍ୟାଲେଞ୍ଜ ହେବ ବୋଲି କହିପାରିବା ।