ଭୁବନେଶ୍ୱର,୨୩/୩: ଠକାମୀର ଶିକାର ହେଲେ ସିଏପିଏଫ୍ ଯବାନ ଉମାକାନ୍ତ ପାଣିଗ୍ରାହୀ । ଭୁବନେଶ୍ବରରେ ଘର କିଣିବା ପାଇଁ ଦେଇଥିଲେ ଲକ୍ଷ ଲକ୍ଷ ଟଙ୍କା । ହେଲେ ନାଁ ମିଳିଲା ଘର ନାଁ ଫେରିପାଇଲେ ଟଙ୍କା । ଏନେଇ ଅଭିଯୋଗ ପରେ ଜମି ଦଲାଲଙ୍କୁ ଗିରଫ କରିଛି ଖାରବେଳନଗର ଥାନା ପୋଲିସ।
ଏହା ମଧ୍ୟ ପଢନ୍ତୁ- ନବ ଦାସ ହତ୍ୟା ମାମଲା, ୫ ଦିନର ତନାଘନା ପରେ ଝାରସୁଗୁଡ଼ା ଛାଡ଼ିଲା କ୍ରାଇମବ୍ରାଞ୍ଚ ଟିମ୍
ସୂଚନା ଅନୁଯାୟୀ , ଭୁବନେଶ୍ୱରରେ ଘରଟିଏ ପାଇବା ଲୋଭରେ ଠକାମୀର ଶିକାର ହୋଇଛନ୍ତି କେନ୍ଦ୍ରୀୟ ସଶସ୍ତ୍ର ପୋଲିସ ବଳୟ ତଥା ସିଏପିଏଫ୍ ଯବାନ ଉମାକାନ୍ତ ପାଣିଗ୍ରାହୀ । ସେ ଛତିଶଗଡ଼ରେ ଚାକିରି କରନ୍ତି । ସେ ଭୁବନେଶ୍ବରରେ ଏକ ଘର ପାଇଁ ନରୋତ୍ତମ ମହାନ୍ତି ନାମକ ଜଣେ ବ୍ୟକ୍ତିଙ୍କୁ ଟଙ୍କା ଦେଇଥିଲେ । ପର୍ଯ୍ୟାୟକ୍ରମ ତାଙ୍କ ସହ ତାଙ୍କ ସ୍ତ୍ରୀଙ୍କ ଆକାଉଣ୍ଟକୁ ମଧ୍ୟ ଟଙ୍କା ପଠାଇଥିଲେ । ତେବେ ସେ ପ୍ରାୟ ୧୯ ଲକ୍ଷ ଟଙ୍କା ଦେଇଥିବା ନେଇ ଅଭିଯୋଗ ହୋଇଛି । ଏ ନେଇ ଖାରବେଳନଗର ଥାନାରେ ଅଭିଯୋଗ ପରେ ଜମି ମାଫିଆ ନରୋତ୍ତମ ମହାନ୍ତିଙ୍କୁ ଗିରଫ କରିଛି ପୋଲିସ । ନିଜକୁ ଜଣେ ବିଲଡର କହି ସେ ଟଙ୍କା ନେଇ ଚାଲିଥିଲେ । କିନ୍ତୁ ଟଙ୍କା ନେବା ପରେ ଆଉ ଧରାଛୁଆଁ ଦେଇନଥିଲେ ନରୋତ୍ତମ । ଶେଷରେ କିଛି ଉପାୟ ନପାଇ ଉମାକାନ୍ତ ଥାନାର ଦ୍ବାରସ୍ଥ ହେବା ପରେ ନରୋତ୍ତମଙ୍କୁ ଗିରଫ କରିଛି ଖାରବେଳନଗର ଥାନା ପୋଲିସ । ତାଙ୍କୁ ଗିରଫ କରିବା ସହ ଏକ ଦାମୀ କାର୍ ପୋଲିସ ଜବତ କରିଥିବା ଜଣାପଡ଼ିଛି ।
