ମହାକାଳପଡା, ୧୫/୫ : ଭିଜିଲାନ୍ସ ଜାଲରେ ମହାକାଳପଡା ତହସିଲ ଅଫିସ ସରକାରୀ ଅମିନ ଉମାକାନ୍ତ ବେହେରା। ୨ ହଜାର ଟଙ୍କା ଲାଞ୍ଚ ନେବା ବେଳେ ମାଡ଼ି ବସିଲା ଭିଜିଲାନ୍ସ। ଆର. ପି କେସ୍ ରିପୋଟ ଦେବା ପାଇଁ ୨ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରା ପଡ଼ିଛନ୍ତି। ତାଙ୍କୁ ଭିଜିଲାନ୍ସ ଗିରଫ କରି ତଦନ୍ତ ଆରମ୍ଭ କରିଛି।

ସୂଚନାନୁଯାୟୀ, ମହାକାଳପଡା ତହସିଲ କାର୍ଯ୍ୟାଳୟର ସରକାରୀ ଅମିନ ଉମାକାନ୍ତ ବେହେରା ଆର. ପି କେସ୍ ରିପୋଟ ଦେବା ପାଇଁ ୨ ହଜାର ଟଙ୍କା ଲାଞ୍ଚ ମାଗିଥିଲେ। ଏନେଇ ମହାକାଳପଡା ପଞ୍ଚାୟତ କେୟାରବାଙ୍କ ଗ୍ରାମର ଶୁସାନ୍ତ ବିଶ୍ଵାଳ ଭିଜିଲାନ୍ସରେ ଅଭିଯୋଗ କରିଥିଲେ। ଏହାପରେ ପୂର୍ବ ପ୍ରସ୍ତୁତି ମୁତାବକ ଭିଜିଲାନ୍ସ ଜଗି ରହିଥିଲେ। ଅମିନ ଉମାକାନ୍ତ ଅଭିଯୋଗକାରୀଙ୍କ ଠାରୁ ୨ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ମାଡ଼ି ବସିଥିଲା। ଉମାକାନ୍ତଙ୍କୁ ଏବେ ଗିରଫ କରାଯାଇଛି। ଭିଜିଲାନ୍ସ ଟିମ୍ ତଦନ୍ତ ଆରମ୍ଭ କରିଛି। ମହାକାଳପଡା ଶିଖର ଗ୍ରାମରେ ଉମାକାନ୍ତଙ୍କ ଭଡାଘରେ ଓ ପୈତୃକ ଘର ଆଳିରେ ଭିଜିଲାନ୍ସ ଟିମ ଚଢାଉ କରିଛି।