ଭୁବନେଶ୍ୱର,୩|୭: ଭୁବନେଶ୍ୱରର ରଙ୍ଗମାଟିଆ ଅଞ୍ଚଳରେ ଛୁରି ଭୁଷି ବାପାକୁ ହତ୍ୟା କଲା ପୁଅ । ଡିଏଚପିଏଲ ଆପାର୍ଟମେଣ୍ଟର ୧୦୮ ଫ୍ଲାଟରେ ଏହି ହତ୍ୟାକାଣ୍ଡ ଘଟିଥିବା ସୂଚନା । କ୍ୟପିଟାଲ ହସ୍ପିଟାଲରେ ମୃତଦେହକୁ ରଖାଯାଇଥିବା ବେଳେ ପୁଅ ଅନିରୁଦ୍ଧଙ୍କୁ ମଞ୍ଚେଶୱର ଥାନାରେ ଅଟକ ରଖିଛି ପୋଲିସ୍ ।
ସୂଚନା ଅନୂଯାୟୀ, ସୁନିଲ ଚୌଧୁରୀ ଜଣେ ଅବସରପ୍ରାପ୍ତ ନାଲକୋ ବରିଷ୍ଠ ଅଧିକାରୀ । ପୁଅ ଅନିରୁଦ୍ଧ ଚୌଧୁରୀ ଆଇନ ବିଶ୍ୱବିଦ୍ୟାଳୟର ଜଣେ ପ୍ରଫେସର । ତେବେ ପୂର୍ବରୁ ବାପା ଏବଂ ପୁଅ ମଧ୍ୟରେ କୌଣସି ବ୍ୟକ୍ତିଗତ କଥାକୁ ନେଇ ବଚସା ହୋଇଥିଲା । ଯାହାକୁ ନେଇ ଉତକ୍ଷିପ୍ତ ହୋଇ ଛୁରୀ ମାରି ବାପାକୁ ହତ୍ୟା କରିଛି ପୁଅ । ଭୋରୁ ଭୋରୁ ପୁଅ ଛୁରି ଭୁଷି ହତ୍ୟା କରିବା ପରେ ମାଆ ଏଭଳି ନୃସଂଶ କାଣ୍ଡ ଦେଖି ବିରୋଧ କରିବା ସହ ଚିତ୍କାର କରିଥିଲେ । ଏହାପରେ ମାଆ ତୁରନ୍ତ ଜଣେ ସ୍ଥାନୀୟ ଯୁବକଙ୍କୁ ଫୋନ୍ ଯୋଗେ ଡକାଇଥିଲେ । ଯୁବକ ଜଣକ ପହଞ୍ଚି ପଡୋଶୀଙ୍କୁ ଖବର ଦେଇଥିଲେ । ଏହାପରେ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ମଞ୍ଚେଶ୍ୱର ଥାନା ପୋଲିସ୍ ପହଞ୍ଚି ପ୍ରଥମେ ମୃତଦେହକୁ କ୍ୟାପିଟାଲ ହସ୍ପିଟାଲ ପଠାଇଥିଲେ । ୧୦୮ ଫ୍ଲାଟରେ ସାଇଣ୍ଟଫିକ ଟିମ୍ ପହଞ୍ଚି ତଦନ୍ତ କରିବ । ସେପଟେ ହତ୍ୟାକାରୀ ପୁଅ ଅନିରୁଦ୍ଧଙ୍କୁ ବର୍ତ୍ତମାନ ପୋଲିସ୍ ମଞ୍ଚେଶ୍ୱର ଥାନାରେ ଅଟକ ରଖିଛି ।