କଟକ,୦୬/୦୭: ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ପଠାଣି ସାମନ୍ତ ଗଣିତ ମେଧାବୃତ୍ତି (ପିଏମ୍ଏସ୍ଟି) ୨୦୨୩ ପରୀକ୍ଷା ଆସନ୍ତା ୧୦ରେ ହେବ ବୋଲି ସୂଚନା ମିଳିଛି । ପରୀକ୍ଷା ପାଇଁ ଆବେଦନ କରିଥିବା ଛାତ୍ରଛାତ୍ରୀ ବୋର୍ଡ ୱେବ୍ସାଇଟ୍ www.bseodisha.ac.inରୁ ଆଡ୍ମିଟ୍ କାର୍ଡ ଡାଉନ୍ଲୋଡ୍ କରିପାରିବେ ।
ରାଜ୍ୟର ୫୩୨ଟି ସେଣ୍ଟରରେ ପ୍ରାୟ ୭୪ହଜାର ପରୀକ୍ଷାର୍ଥୀ ପରୀକ୍ଷା ଦେବେ । ଦୁଇଟି ପର୍ଯ୍ୟାୟ ଯଥା ଷ୍ଟେଜ୍ -୧ ଓ ଷ୍ଟେଜ୍ ୨ରେ, ଜୁଲାଇ ୧୦ ତାରିଖ ସକାଳ ୮ଟାରୁ ୧୧ଟା ମଧ୍ୟରେ ପରୀକ୍ଷା ହେବ । ଛାତ୍ରଛାତ୍ରୀମାନେ ନିର୍ଦ୍ଧାରିତ ସମୟ ପୂର୍ବରୁ ସେଣ୍ଟରରେ ପହଞ୍ଚିବେ । ଷଷ୍ଠ ଓ ନବମ ଶ୍ରେଣୀର ଛାତ୍ରଛାତ୍ରୀମାନେ ଏହି ମେଧାବୃତ୍ତି ପରୀକ୍ଷା ଦେବେ । ପରୀକ୍ଷାର୍ଥୀମାନେ ସେମାନଙ୍କ ନାମ, ବାପାଙ୍କ ନାମ ସହ ରେଜିଷ୍ଟ୍ରେସନ୍ ନମ୍ବର ଦେଇ ବୋର୍ଡ ୱେବସାଇଟ୍ରୁ ଆଡ୍ମିଟ୍ କାର୍ଡ ଡାଉନ୍ଲୋଡ୍ କରିପାରିବେ ବୋଲି ବୋର୍ଡ ସୂତ୍ରରୁ ଜଣାପଡ଼ିଛି ।