ଭୋଗରାଇ,୦୫/୧୦: ଛାତ୍ରୀଙ୍କୁ କମେଣ୍ଟ କରି ଫୋଟ ଉଠାଇବା ପଡିଲା ମାହାଙ୍ଗା । ତିନି ଜଣ ଯୁବକଙ୍କୁ ନିସ୍ତୁକ ମାଡ଼ ମାରିଲେ ଗ୍ରାମବାସୀ । କମେଣ୍ଟ ମାରିଥିବା ଯୁବକ ୩ ଜଣ ବାଲିଆପାଳ ଅଞ୍ଚଳର ବୋଲି ଜଣାପଡ଼ିଛି । ବାଲେଶ୍ବର ଜିଲ୍ଲା କମର୍ଦା ଥାନା ଆରୁହାବୃତ୍ତି-୧ ନୋଡାଲ ବିଦ୍ୟାଳୟ ସମ୍ମୁଖରେ ଏଭଳି ଘଟଣା ଘଟଛି ।
ସୂଚନା ମୁତାବକ, ସ୍କୁଲ୍ ଛୁଟି ହେବାପରେ ଛାତ୍ରଛାତ୍ରୀମାନେ ବିଦ୍ୟାଳୟରୁ ଘରକୁ ଫେରୁଥିଲେ । ଏହି ସମୟରେ ସ୍କୁଲ ସାମ୍ନାରେ ବାଇକ୍ରେ ୩ ଜଣ ଯୁବକ ଆସି ଜଣେ ଛାତ୍ରୀଙ୍କୁ କମେଣ୍ଟ ମାରିବା ସହ ତାଙ୍କ ଫଟୋ ମଧ୍ୟ ଉଠାଇଥିଲେ । ଏଥିରେ ଡରିଯାଇ ଛାତ୍ରୀ ଜଣକ କାନ୍ଦି ସେଠାରୁ ପଳାଇଥିଲେ । ସେଠାରୁ ଯାଇ ଗ୍ରାମବାସୀଙ୍କୁ କୁ କହିବା ପରେ ଗ୍ରାମବାସୀ ଓ ଅଭିଭାବକ ଯୁବକଙ୍କୁ କାବୁ କରି ମାଡ଼ ମାରିଥିଲେ । ପରେ ଏହି ଘଟଣା ସମ୍ୱନ୍ଧରେ କର୍ମଦା ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତିନିଜଣ ଯୁବକଙ୍କୁ ଅଟକ ରଖି ଘଟଣାର ତଦନ୍ତ କରୁଛି ।