ନୀଳଗିରି/ଖନ୍ତାପଡ଼ା,୨/୧୦ : ଖନ୍ତାପଡ଼ା ଥାନା ନିକଟରେ ଥିବା ରମାଦେବୀ ରାଇସ ମିଲରେ ବେଆଇନ ଚାଉଳ ଥିବା ଅଭିଯୋଗ ନେଇ ବୁଧବାର ସନ୍ଧ୍ୟାରେ ଚଢାଉ କରାଯାଇଛି । ବାଲେଶ୍ୱର ସାଂସଦ ପ୍ରତାପ ଚନ୍ଦ୍ର ଷଡଙ୍ଗୀ,ବାଲେଶ୍ୱର ଉପ ଜିଲ୍ଲାପାଳ ପ୍ରଥମେଶ ଅରବିନ୍ଦ ରାଜଶିଖରେ,ଜିଲ୍ଲା ମୁଖ୍ୟ ଯୋଗାଣ ଅଧିକାରୀ ନିରଦ ରଞ୍ଜନ ଦାଶ,ଜିଲ୍ଲା ସହ ଯୋଗାଣ ଅଧିକାରୀ ହିମାଂଶୁ ଭୂଷଣ ସାହୁ ଅଚାନକ ଚଢ଼ାଉ କରିଛନ୍ତି । ଖନ୍ତାପଡ଼ା ପୋଲିସ ମଧ୍ୟ ଉପସ୍ଥିତ ଅଛନ୍ତି।
ସୂଚନାଯୋଗ୍ୟ ସରକାରଙ୍କର ଗାଇଡ଼ ଲାଇନ ଅନୁଯାୟୀ ବିଭିନ୍ନ ଲ୍ୟାମ୍ପ ମାଧ୍ୟମରେ ମିଲର ଖରିଫ ଓ ରବିକୁ ମିଶାଇ ୨ଲକ୍ଷ ୧୦୨କ୍ୱିଣ୍ଟାଲ୫୫ କିଲୋଗ୍ରାମ କ୍ରୟ କରିଥିଲା। ଗତ କିଛିଦିନ ଧରି ଉକ୍ତ ମିଲରେ ବେଆଇନ ଚାଉଳ ଯୋଗା ଯାଉଥିବା ଓ ଗଛିତ ଥିବା ଧାନ ବସ୍ତା ଗୁଡିକ ହରିଲୁଟ ହୋଇଥିବାର ଅଭିଯୋଗ ହୋଇଥିଲା। ଏହାକୁ ନେଇ ଯାଞ୍ଚ କରାଯାଇଥିଲ। ସାଂସଦ ଶ୍ରୀଯୁକ୍ତ ଷଡ଼ଙ୍ଗୀ ଚାଉଳର ମାନ ନିରୀକ୍ଷଣ କରିବା ସହିତ ପ୍ରତେକ ସ୍ଥାନ ବୁଲି ପରିଦର୍ଶନ କରିଥିଲେ। ଯାଞ୍ଚ ସମୟରେ କୌଣସି ଗାଡି ବାହାରକୁ ନଯିବା ସହିତ ସମସ୍ତ କର୍ମଚାରୀ ସେଠାରେ ଉପସ୍ଥିତ ରହି ଯାଞ୍ଚ ପ୍ରକ୍ରିୟାରେ ସହଯୋଗ କରିବା ପାଇଁ ରାଇସ ମିଲର ମାଲିକ ଗୌତମ କୁମାର ପାତ୍ରଙ୍କୁ ନିର୍ଦେଶ ଦିଆଯାଇଥିଲା। ଷ୍ଟକରେ ସନ୍ଦେହ ସୃଷ୍ଟି ହୋଇଥିବାରୁ ଯାଞ୍ଚ କରାଯାଇଥିବା ନେଇ ସାଂସଦ ଶ୍ରୀଯୁକ୍ତ ଷଡ଼ଙ୍ଗୀ କହିଛନ୍ତି ।ଠିକ ସେହିପରି ରମାଦେବୀ ଫୁଡ୍ସ ପ୍ରଡକ୍ସନ ମାଲିକ ଗୌତମ ପାତ୍ର କହନ୍ତି ଏବେ ଯାଞ୍ଚ କାର୍ଯ୍ୟ ଚାଲିଛି ଷ୍ଟକ ସଠିକ ଅଛି। ତଦନ୍ତ ସରିଲେ ସବୁ ଜଣାପଡିବ।
