ଉଦଳା,୧୫/୧୨: ଅସ୍ତିଆ ଛକ ନିକଟରେ ରାସ୍ତା କଡ଼କୁ ଓଲଟିଲା ପିକଅପ୍ ଭ୍ୟାନ୍ । ଗାଡ଼ିଟି ଶ୍ରମିକଙ୍କୁ ନେଇ ଆରପଟାରୁ କପ୍ତିପଦାକୁ ଢ଼ଳେଇ କାମ କରିବାକୁ ଯାଉଥିଲା । ଏହି ଦୁର୍ଘଟଣାରେ ୧୦ ଜଣରୁ ଉର୍ଦ୍ଧ୍ୱ ଆହତ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । ବାଲେଶ୍ୱର ଜିଲ୍ଲା ଉଦଳା ଥାନା ଅନ୍ତର୍ଗତ ଅସ୍ତିଆ ଛକ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଏକ ପିକଅପ୍ ଗାଡ଼ି କିଛି ଶ୍ରମିକଙ୍କୁ ନେଇ ଆରପଟାରୁ କପ୍ତିପଦାକୁ ଢ଼ଳେଇ କାମ କରିବାକୁ ଯାଉଥିଲା । ଏହି ସମୟରେ ଅସ୍ତିଆ ଛକ ନିକଟରେ ରାସ୍ତା କଡ଼କୁ ଗାଡ଼ିଟି ଓଲଟି ପଡ଼ିଥିଲା । ଫଳରେ ଗାଡ଼ିରେ ଯାତ୍ରା କରୁଥିବା ୧୦ ଜଣରୁ ଉର୍ଦ୍ଧ୍ୱ ଶ୍ରମିକ ଆହତ ହୋଇଥିବା ବେଳେ ୩ ଜଣ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଉଦଳା ଥାନା ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ସମସ୍ତ ଗୁରୁତରଙ୍କୁ ତୁରନ୍ତ ଚିକିତ୍ସା ପାଇଁ ଉଦଳା ଡାକ୍ତରଖାନାରେ ଭର୍ତ୍ତି କରାଇଛି ପୋଲିସ ।
