ନୀଳଗିରି, ୧୭/୧୨ : ଟ୍ୟାଙ୍କର ଧକ୍କାରେ ବାଇକ୍ ଆରୋହୀ ମୃତ। ବାଲେଶ୍ଵର ଜିଲ୍ଲା ନୀଳଗିରି-ସେରଗଡ଼-ଝରଣାଘାଟି ରାଜ୍ୟ ରାଜପଥରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି। ଡ୍ରାଇଭର ଓ ହେଲପର ଫେରାର୍ ହୋଇଯାଇଛନ୍ତି।
ସୂଚନାନୁଯାୟୀ, ସୋର ଥାନା ଅଧିନ ଦହିସଡ଼ା ଗ୍ରାମର ସଞ୍ଜିବ ବେହେରା ବାଇକରେ ଉଦଳା ଆଡ଼କୁ ଯାଉଥିଲେ। ଏହି ସମୟରେ ତିନିକୋଶିଆ ଜଙ୍ଗଲ ଭାଲୁକାଶୁଣି ଠାରେ ବିପରୀତ ଦିଗରୁ ଆସୁଥିବା ଏକ ତେଲ ଟ୍ୟାଙ୍କର ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ସଞ୍ଜିବଙ୍କ ମୃତ୍ୟୁ ହୋଇଥିଲା। ଦୁର୍ଘଟଣା ପରେ ଟ୍ୟାଙ୍କରଟି ଫେରାର୍ ହେବାକୁ ଉଦ୍ୟମ କରୁଥିବା ବେଳେ ଅଞ୍ଚଳବାସୀ ଗୋଡ଼ାଇ ସେରଗଡ଼ରେ ଧରି ପୋଲିସ ଜିମା ଦେଇଥିଲେ। ଘଟଣାସ୍ଥଳରେ ଉତ୍ୟକ୍ତ ଲୋକ ରାସ୍ତାରୋକ କରିଥିଲେ। ପରେ ନୀଳଗିରି ପୋଲିସ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା। ତେବେ ଡ୍ରାଇଭର ଓ ହେଲପର ଫେରାର୍ ହୋଇଯାଇଛନ୍ତି। ପୋଲିସ ତଦନ୍ତ କରି ଶବ ବ୍ୟବଚ୍ଛେଦ ପାଇଁ ପଠାଇଛି।
