ବାଲିପାଟଣା,୦୫/୧୦: ରାଜଧାନୀ ଉପକଣ୍ଠ ବାଲିପାଟଣା ଥାନା ଭାପୁର ଗ୍ରାମ ପଞ୍ଚାୟତ ପଇଡପାଟଣା ବେଲେଶ୍ୱର ମନ୍ଦିରରୁ ଚୋରି। ବିଳମ୍ବିତ ରାତ୍ରିରେ ୨ରୁ ଉର୍ଦ୍ଧ୍ବ ଚୋର ମନ୍ଦିରର ତାଲା ଭାଙ୍ଗି ଚୋରି କରିଥିଲେ । ବେଲେଶ୍ୱର ମନ୍ଦିରରୁ ମୂଲ୍ୟବାନ ମୂର୍ତ୍ତି, ସର୍ପ, ଅଳଙ୍କାର ଚୋରି କରି ନେଇଥିଲେ ଚେର । ଏହା ପରେ ମଝି ଦିୱାନ ପାଟଣା ଗ୍ରାମର ଦେବତୀଙ୍କ ମନ୍ଦିରରୁ ଚୋରମାନେ ଚୋରି କରୁଥିବା ବେଳେ ଗ୍ରାମବାସୀ ଏହା ଜାଣି ପାରି ଚୋରଙ୍କୁ କାବୁ କରିବାକୁ ଚେଷ୍ଟା କରି ସଫଳ ହୋଇଛନ୍ତି । ଘଟଣା ସ୍ଥଳରୁ ଜଣେ ଚୋରକୁ କାବୁ କରି ପୋଲିସ ଜିମା ଦେଇଛନ୍ତି ଗ୍ରାମବାସୀ । ଚୋରକୁ ଥାନାରେ ଅଟକ ରଖି ପଚରାଉଚରା କରୁଛି ପୋଲିସ । 

ସୂଚନା ମୁତାବକ, ଚୋରମାନେ ପ୍ରଥମେ ବେଲେଶ୍ୱର ମନ୍ଦିରରୁ ଚୋରି କରିଥିଲେ । ଏହା ଜାଣି ଗ୍ରାମବାସୀ ସଚେତନ ହୋଇ ରହିଥିଲେ । ପରବର୍ତ୍ତୀ ସମୟରେ ସେମାନେ ପୁଣି ମଝି ଦିୱାନ ପାଟଣା ଗ୍ରାମର ଦେବତୀଙ୍କ ମନ୍ଦିରରୁ ଚୋରି କରିବାକୁ ଉଦ୍ୟମ କରିଥିଲେ । ଏହି ସମୟରେ ଗ୍ରାମବାସୀ ଚୋରଙ୍କୁ ଚୋରୀ କରୁଥିବା ବେଳେ ଧରିଥିଲେ । ଘଟଣାସ୍ଥଳରୁ ଜଣେ ଚୋରକୁ କାବୁ କରିଥିଲେ । ପରେ ଏହି ଘଟଣା ସମ୍ପର୍କରେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ସେଠାରେ ପହଞ୍ଚିବା ପରେ ଚୋରକୁ ପୋଲିସ ଜିମା ଦେଇଛନ୍ତି ଗ୍ରାମବାସୀ । ତେବେ ବେଲେଶ୍ୱର ମନ୍ଦିରରୁ ମୂଲ୍ୟବାନ ମୂର୍ତ୍ତି, ସର୍ପ, ଅଳଙ୍କାର ଚୋରି କରି ନେଇଛନ୍ତି ଚୋର । ପୂର୍ବରୁ ମଧ୍ୟ ଏହି ମନ୍ଦିରରୁ ଚୋରୀ ହୋଇଥିଲା । ତେବେ ଧରାପଡ଼ିଥିବା ଚୋରକୁ ଥାନାରେ ଅଟକ ରଖି ପୋଲିସ ପଚରାଉଚରା କରୁଥିବା ଜଣାପଡିଛି ।