ଯାଜପୁର,୬/୭: ହାତୀ ହାବୁଡରେ ପଡି ଯୁବକଙ୍କ ମୃତ୍ୟୁ । ଯାଜପୁର ଜିଲ୍ଲା ବୈରୀ ରେଞ୍ଜ ଅଧୀନ ବଡ଼ଚଣା ବ୍ଲକ ଚାରିଗୋଛିଆ ଅଂଚଳରେ ଘଟିଛି ଏହି ଦୁର୍ଘଟଣା । ଦୁଇ ଯୁବକ ବନ୍ଧପଲ୍ଲୀ ଜଙ୍ଗଲକୁ ଯାଇଥିଲେ । ହାତୀ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ, ଅନ୍ୟ ଯୁବକ ଜଣକ ଖସିଆସିଛନ୍ତି। ଘଟଣା ସ୍ଥଳରେ ବନ ବିଭାଗ ଅଧିକାରୀ ପହଞ୍ଚି ହାତୀକୁ ଘଉଡ଼ାଇବା ପାଇଁ ଉଦ୍ୟମ ଜାରି ରଖିଛନ୍ତି।
ସୂଚନା ଅନୁଯାୟୀ, ଯାଜପୁର ଜିଲ୍ଲା ବୈରୀ ରେଞ୍ଜ ଅଧୀନ ବଡ଼ଚଣା ବ୍ଲକ ଚାରିଗୋଛିଆ ଅଞ୍ଚଳର ଦୁଇ ଜଣ ଯୁବକ ବନ୍ଧପଲ୍ଲୀ ଜଙ୍ଗଲକୁ ଯାଇଥିଲେ । ସେଠାରେ ସେମାନେ ହାତୀ ହାବୁଡ଼ରେ ପଡି ଯାଇଥିଲେ । ସେମାନଙ୍କ ମଧ୍ୟରୁ ଜଣେ ଯୁବକ ଦୌଡ଼ି ପଳାଇ ଯାଇଥିବା ବେଳେ ଅନ୍ୟ ଜଣ ଯୁବକ ହାତୀ ହାବୁଡ଼ରେ ପଡି ଯାଇଥିଲେ। ତେବେ ହାତୀ ହାବୁଡ଼ରୁ ଖସି ଆସିଥିବା ଯୁବକ ଜଣଙ୍କ ସ୍ଥାନୀୟ ଲୋକଙ୍କୁ ଖବର ଦେଇଥିଲେ । ଘଟଣା ସ୍ଥଳରେ ସ୍ଥାନୀୟ ଲୋକେ ଓ ବୈରୀ ବନ ବିଭଗ ଅଧିକାରୀ ପହଞ୍ଚି ଜଙ୍ଗଲରୁ ଯୁବକକୁ ଉଦ୍ଧାର କରି ବଡ଼ଚଣା ମେଡିକାଲରେ ଭର୍ତି କରାଇଥିଲେ। ସେଠାରେ ଡାକ୍ତର ଯୁବକଙ୍କୁ ମୃତ ଘୋଷଣା କରିଥିଲେ। ମୃତ ଯୁବକ ଜଣଙ୍କ ହେଲେ ଚାରିଗୋଛିଆ ଗ୍ରାମର ରବି ବିନ୍ଧାଣି। ଘଟଣା ସ୍ଥଳରେ ବନ ବିଭାଗ ଅଧିକାରୀ ପହଞ୍ଚି ହାତୀକୁ ଘଉଡ଼ାଇବା ପାଇଁ ଉଦ୍ୟମ ଜାରି ରଖିଛନ୍ତି। ବଡ଼ଚଣା ବିଧାୟକ ମେଡିକାଲରେ ପହଞ୍ଚି ମୃତକଙ୍କ ପରିବାରକୁ ଭେଟିଛନ୍ତି। ଖୁବ ଶୀଘ୍ର ସରକାରୀ ସ୍ତରରେ ମୃତ ପରିବାରକୁ ସହାୟତା ଯୋଗାଇ ଦିଆଯିବ ବୋଲି ବିଧାୟକ କହିଛନ୍ତି ।