ସଇନ୍ତଳା,୦୬/୦୭: ସଇନ୍ତଳା ସହରରେ ଡେଙ୍ଗୁ ଆତଙ୍କ ଦେଖାଦେଇଛି । ସଇନ୍ତଳା ଗୋପବନ୍ଧୁପଡ଼ାର ୧୮ଜଣ ଆକ୍ରାନ୍ତ ଡେଙ୍ଗୁ ପଜିଟିଭ୍ ଚିହ୍ନଟ ହୋଇଛନ୍ତି । ଅସୁସ୍ଥଙ୍କ ମଧ୍ୟରୁ ୬ ଜଣ ବଲାଙ୍ଗିର ଭୀମ ଭୋଇ ମେଡିକାଲ କଲେଜ ହସ୍ପିଟାଲକୁ ଅଣାଯାଇଥିବା ବେଳେ ଆଉ କେତେଜଣ ଘରେ ରହି ଚିକିତ୍ସିତ ହେଉଛନ୍ତି । ଘଟଣା ସମ୍ପର୍କରେ ଖବର ପାଇ ଜିଲ୍ଲାପାଳ ଗୌରବ ଶିବାଜୀ ଇସଲୱାର ଏବଂ ସିଡିଏମଓ ଡା.ପ୍ରଦୀପ ଗୁରୁ ସଇଁନ୍ତଳା ହସପିଟାଲକୁ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ।
ଗତ ୧୫ଦିନ ତଳେ ସହର ଜଣେ ୨୮ ବର୍ଷୀୟ ଯୁବକ ଡେଙ୍ଗୁରେ ଆକ୍ରାନ୍ତ ହୋଇ ପ୍ରାଣ ହରାଇଥିବା ଅଭିଯୋଗ ହୋଇଥିଲା । ଏହାପରେ ବଲାଙ୍ଗିର ଓ ସଇନ୍ତଳା ଡାକ୍ତରୀ ଟିମ ପହଞ୍ଚି ଅସୁସ୍ଥଙ୍କ ରକ୍ତ ନମୁନା ସଂଗ୍ରହ କରି ପଠାଯାଇଥିଲା । ତାହା ପରୀକ୍ଷଣ ପରେ ୧୮ଜଣଙ୍କ ରକ୍ତ ନମୁନା ଡେଙ୍ଗୁ ପଜିଟିଭ ଚିହ୍ନଟ ହୋଇଥିବା ଜଣାପଡିଛି ।
