ଠାକୁରମୁଣ୍ଡା ,୬।୭ : ଠାକୁରମୁଣ୍ଡା ବ୍ଲକ ଚାନ୍ଦିଖମଣରେ ଗୋଷ୍ଠୀ ସଂଘର୍ଷରେ ୪ ଗୁରୁତର ହୋଇଥିବାବେଳେ ୧୩ ରୁ ଅଧିକ ଆହତ ‌ହୋଇଛନ୍ତି‌ l ଗୁରୁତର ଓ ଆହତଙ୍କୁ ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି l 

ଚାନ୍ଦିଖମଣରେ ଜମି ଦଖଲକୁ ନେଇ କିଛି ମାସ ହେଲା ବିବାଦ ଲାଗି ରହିଛି l ଯେକୌଣସି ମୁହୂର୍ତ୍ତରେ ବିସ୍ଫୋରକ ପରିସ୍ଥିତି ଉପୁଜି ପାରେ ବୋଲି ସନ୍ଦେହ କରୁଥିଲା ପ୍ରଶାସନ l ପ୍ରଶାସନ ମଧ୍ୟ ବିବାଦ ସମାଧାନ ପାଇଁ ନିରନ୍ତର ଉଦ୍ୟମ କରୁଥିଲା l ମାତ୍ର ଗୋଟିଏ ଗୋଷ୍ଠୀ କୌଣସି ବୁଝାମଣା ପାଇଁ ପ୍ରସ୍ତୁତ ନଥିଲା l ଫଳରେ ପ୍ରଶାସନ ଆଗେଇ ପାରୁନଥିଲା l ଜମି ବିବାଦକୁ କେନ୍ଦ୍ର କରି ଆଜି ଉଭୟ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା । ସଂଘର୍ଷରେ ୪ ଗୁରୁତର ଥିବାବେଳେ ୧୩ ଆହତ ହୋଇ ଚିକିତ୍ସିତ ହେଉଛନ୍ତି l ଉଭୟ ଗୋଷ୍ଠୀ ପକ୍ଷରୁ ଠାକୁରମୁଣ୍ଡା - ଉଦଳା ରାସ୍ତାର ଚମ୍ପା୍ଝର ଠାରେ ରାସ୍ତା ଅବରୋଧ ଜାରି ରହିଛି l ମହୁଲଡିହା ଥାନା ଅଧିକାରୀ ଚମ୍ପା୍ଝର ପହଞ୍ଚି ଘଟଣା ଉପରେ ନଜର ରଖିଛନ୍ତି l ପରିସ୍ଥିତି ଉତ୍ତେଜନାପୂର୍ଣ୍ଣ ଥିବାରୁ  ପୋଲିସ ବିଭାଗର ଉଚ୍ଚ ଅଧିକାରୀ ଘଟଣାସ୍ଥଳ ପହଞ୍ଚିଛନ୍ତି।