ନୂଆଦିଲ୍ଲୀ: ପଡୋଶୀ ଦେଶ ନେପାଳରେ ପ୍ରବଳ ବର୍ଷା ଏବଂ ଭୂସ୍ଖଳନ ଯୋଗୁ ଅଭାବନୀୟ ପରିସ୍ଥିତି ଦେଖାଦେଇଛି । ଗତ୩୬ ଘଣ୍ଟା ହେବ ବର୍ଷା ବିତ୍ପାତ ଜାରି ରହିଛି । ଏହି କାରଣରୁ ଅତିକମରେ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୮ ଜଣ ଲୋକ ନିଖୋଜ ରହିଛନ୍ତି । ଗତ ୨ ଦିନ ହେବ ପ୍ରବଳ ବର୍ଷା ହେତୁ ଏଠାରେ ଭୂସ୍ଖଳନ ଓ ବନ୍ୟା ପରିସ୍ଥିତି ଦେଖାଦେଇଛି। ଅଧିକାରୀମାନେ ରବିବାର କହିଛନ୍ତି ଯେ ଏହା ମୁଖ୍ୟ ରାଜପଥ ଏବଂ ରାସ୍ତା ଅବରୋଧ କରୁଛି ।
ନେପାଳ ପୋଲିସର ମୁଖପାତ୍ର ଡାନ ବାହାଦୂର କାର୍କି କହିଛନ୍ତି ଯେ, ୮ ଜଣ ଲୋକ ନିଖୋଜ ଅଛନ୍ତି, ଯେଉଁ ମାନେ କି ବନ୍ୟାରେ ଭାସି ଯାଇଛନ୍ତି କିମ୍ବା ଭୂସ୍ଖଳନରେ ପୋତି ହୋଇଯାଇଛନ୍ତି । ଅନ୍ୟ ୧୨ ଜଣ ଆହତ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
କାର୍କି ରଏଟର୍ସକୁ କହିଛନ୍ତି, ଭୂସ୍ଖଳନ ପରେ ଉଦ୍ଧାର କର୍ମଚାରୀମାନେ ବର୍ଜ୍ୟବସ୍ତୁ ଏବଂ ରାସ୍ତା ଖୋଲିବାକୁ ଚେଷ୍ଟା କରୁଛନ୍ତି । ଆବର୍ଜନା ହଟାଇବା ପାଇଁ ଭାରୀ ଯନ୍ତ୍ର ବ୍ୟବହାର କରାଯାଉଛି । ଦକ୍ଷିଣପୂର୍ବ ନେପାଳର କୋଶୀ ନଦୀ ବିପଦ ସ୍ତରରୁ ପ୍ରବାହିତ ହେଉଛି ବୋଲି ଜଣେ ଜିଲ୍ଲା ଅଧିକାରୀ କହିଛନ୍ତି । ଏହି ନଦୀ ପୂର୍ବ ଭାରତୀୟ ରାଜ୍ୟ ବିହାରରେ ପ୍ରତିବର୍ଷ ମାରାତ୍ମକ ବନ୍ୟା ପରିସ୍ଥିତି ସୃଷ୍ଟି କରିଥାଏ ।