ନୂଆଦିଲ୍ଲୀ,୧୩।୮: ଲାଲକିଲ୍ଲାରେ ଆୟୋଜିତ ହେବାକୁ ଥିବା ୭୮ ତମ ସ୍ବାଧୀନତା ଦିବସ ଅବସରରେ ୪୦୦ ମହିଳା ପଞ୍ଚାୟତ ପ୍ରତିନିଧିଙ୍କୁ ସ୍ବତନ୍ତ୍ର ଅତିଥି ଭାବରେ ନିମନ୍ତ୍ରଣା କରାଯାଇଛି। ପଞ୍ଚାୟତ ରାଷ୍ଟ୍ର ମନ୍ତ୍ରଣାଳୟ ମଙ୍ଗଳବାର ଏହି ସୂଚନା ଦେଇଛି। କୁହାଯାଇଛି ଯେ, ପଞ୍ଚାୟତ ରାଜ ସଂସ୍ଥାର ପ୍ରାୟ ୪୦୦ ମହିଳାଙ୍କ ପ୍ରତିନିଧିଙ୍କୁ ୭୮ ତମ ସ୍ବାଧୀନତା ଦିବସ ସମାରୋହରେ ସ୍ବତନ୍ତ୍ର ଅତିଥି ଭାବରେ ଲାଲକିଲ୍ଲାକୁ ଆମନ୍ତ୍ରିତ କରାଯାଇଛି। ଏହାଛଡା ଲକ୍ଷପତି ଦିନି ଓ ଡ୍ରୋନ୍ ଦିନଦିଙ୍କୁ ଏହି ସମାରୋହକୁ ଆମନ୍ତ୍ରିତ କରାଯାଇଛି।
ଗ୍ରାମୀଣ ବିକାଶ ମନ୍ତ୍ରଣାଳୟ ଅଧିକାରୀଙ୍କ କହିବା ଅନୁସାରେ, ସ୍ବାଧିନତା ଦିବସ ସମାରୋହରେ ସାମିଲ ହେବା ପାଇଁ ପ୍ରାୟ ୪୫ ‘ଲକ୍ଷପତି ଦିଦି’ ଓ ପାୟ ୩୦ ’ଡ୍ରୋନ୍ ଦିଦି’କୁ ମଧ୍ୟ ସ୍ବତନ୍ତ୍ର ଅତିଥି ଭାବରେ ନିମନ୍ତ୍ରଣ କରାଯାଇଛି। ବୁଧବାର ଗ୍ରାମ ବିକାଶ ମନ୍ତ୍ରୀ ଶିବରାଜ ସିଂହ ଚୌହାନ ତାଙ୍କୁ ସମ୍ମାନିତ ମଧ୍ୟ କରିବେ। ପଞ୍ଚାୟତର ମହିଳା ପ୍ରତିନିଧିଙ୍କୁ ମଧ୍ୟ ପଞ୍ଚାୟତ ରାଷ୍ଟ୍ରମନ୍ତ୍ରୀ ଲଲନ ସିଂହ ସମ୍ମାନିତ କରିବେ।
ଏହି ମହିଳାଙ୍କ ପାଇଁ ବୁଧବାର ଏକ ଜାତୀୟ କର୍ମଶାଳା ଆୟୋଜନ କରାଯିବ। ଏଥିରେ ପୁଡୁଚେରୀର ପୂର୍ବତନ ଉପରାଜ୍ୟପାଳ ଓ ନଭଜ୍ୟୋତି ଇଣ୍ଡିଆ ଫାଉଣ୍ଡେସନ୍ର ସଂସ୍ଥାପକ କିରଣ ବେଦୀ ଓ ମନ୍ତ୍ରଣାଳୟର ବରିଷ୍ଠ ଅଧିକାରୀ ସମ୍ବୋଧିତ କରିବେ।କର୍ମଚଶାଳାରେ ମହିଳା ପ୍ରତିନିଧିଙ୍କ ଉଦୀୟମାନ ଭୂମିକା ସହ ତୃଣମୂଳ ସ୍ତରରେ ‘ସରପଞ୍ଚ ପତି’ର ପ୍ରଥା ଉପରେ ମଧ୍ୟ ଚର୍ଚ୍ଚା ହେବ ।