ନୂଆଦିଲ୍ଲୀ,୧୨/୬ : ବଲିଉଡ କୁଇନ ତଥା ନବ ନିର୍ବାଚିତ ବିଜେପି ସାଂସଦ କଙ୍ଗନା ରାଣାୱତ। ହିମାଚଳ ପ୍ରଦେଶର ମଣ୍ଡି ଲୋକସଭା ଆସନରୁ ବିଜୟୀ ହୋଇ ସାଂସଦ ପଦର ଶପଥ ଗ୍ରହଣ କରିବା ପରେ ଚର୍ଚ୍ଚାରେ ଅଛନ୍ତି କଙ୍ଗନା । ଏହାରି ମଧ୍ୟରେ ଶପଥ ଗ୍ରହଣ ପରେ ତାଙ୍କୁ କୋଏମ୍ବାଟୁର ସ୍ଥିତ ସଦଗୁରୁଙ୍କ ଆଶ୍ରମ ଯାଇଥିବା ଜଣାପଡିଛି । ଏନେଇ ଆଶ୍ରମରେ ସଦଗୁରୁଙ୍କ ସହ କିଛି ଫଟୋ ସୋସିଆଲ ମିଡିଆରେ ସେ ସେୟାର କରିଛନ୍ତି । ଯାହା ବେଶ୍ ଭାଇରାଲ ହେବାରେ ଲାଗିଛି ।
କଙ୍ଗନା ରଣାୱତ ନିଜ ଇନଷ୍ଟାଗ୍ରାମ ଆକାଉଣ୍ଟର ଷ୍ଟୋରୀ ସେକ୍ସନରେ ଇଶା ଫାଉଣ୍ଡେସନରେ ଆଦି ଯୋଗୀ ଶିବ ମୂର୍ତ୍ତିଙ୍କ ସମ୍ମୁଖରେ ହାତ ଯୋଡ଼ି ପ୍ରାର୍ଥନା କରୁଥିବାର ଫଟୋ ସେୟାର କରିଛନ୍ତି । ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, 'ମୋର ଖୁସି ସ୍ଥାନ' ଏଥିସହ ସେ ଇଶା ଫାଉଣ୍ଡେସନକୁ ଟ୍ୟାଗ୍ କରିଛନ୍ତି । ଏହି ଫଟୋରେ କଙ୍ଗନା ଗୋଲାପି ରଙ୍ଗର ଶାଢ଼ିରେ ନଜର ଆସିଛନ୍ତି । ଅନ୍ୟ ଏକ ଫଟୋରେ ସେ ସଦଗୁରୁଙ୍କ ପାଖରେ ବସିଥିବାର ଦେଖାଦେଇଛି । ପ୍ରକାଶ ଥାଉକି, ନିକଟରେ କଙ୍ଗନା ରଣାୱତ ସିଆଇଏସଏଫ ମହିଳା ସୁରକ୍ଷା କର୍ମୀ ଚାପୁଡ଼ା ମାରିବା ପ୍ରସଙ୍ଗକୁ ନେଇ ବେଶ ଚର୍ଚ୍ଚାରେ ଥିଲେ । ସୂଚନାରୁ ପ୍ରକାଶ ଚଣ୍ଡିଗଡ଼ ଏୟାରପୋର୍ଟରେ ଜଣେ ମହିଳା ଜବାନ ତାଙ୍କୁ ଚଟକଣୀ ମାରିଥିଲେ । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ଘଟଣା ପରେ କଙ୍ଗନାଙ୍କୁ ଅନେକ ସେଲିବ୍ରିଟିଙ୍କ ସପୋର୍ଟ ମିଳିଥିଲା ଏବଂ ସେମାନେ ମହିଳା ଜବାନଙ୍କ ବ୍ୟବହାରକୁ ଅନୁଚିତ ଦର୍ଶାଇଥିଲେ ।