ଗୋପାଳପୁର,୦୪/୦୪: ବ୍ରହ୍ମପୁର ବିଶ୍ଵବିଦ୍ୟାଳୟର ଅଧ୍ୟୟନରତ ଛାତ୍ରୀଙ୍କୁ ଯୁବ ସାମ୍ବାଦିକ ଅଳ୍ପକେ ବଞ୍ଚାଇଥିବା ଜଣାପଡ଼ିଛି । ଛାତ୍ରୀ ଜଣକ ବ୍ରହ୍ମପୁର ବିଶ୍ଵବିଦ୍ୟାଳୟର ଇଂରାଜୀ ବିଭାଗର ବୋଲି ଜଣାପଡିଛି । ଖବର ପାଇ ହଷ୍ଟେଲ ଦାୟିତ୍ୱରେ ଥିବା କର୍ତୃପକ୍ଷ ଛାତ୍ରୀଙ୍କୁ ଉଦ୍ଧାର କରି ଭଞ୍ଜବିହାର ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି ।
ସୂଚନା ମୁତାବକ, ଛାତ୍ରୀ ଜଣକ କୌଣସି କାରଣରୁ ହଷ୍ଟେଲ ଛାଡି ବିଶ୍ଵବିଦ୍ୟାଳୟରୁ ଛତ୍ରପୁର ଅଭିମୁଖେ ଯାଉଥିଲେ । ଛତ୍ରପୁର ଅଞ୍ଚଳର ସାମ୍ବାଦିକ ଭଗବାନ ଦାଶ ପୁକଡିବନ୍ଧରୁ ଛତ୍ରପୁର ସେହି ରାସ୍ତା ଦେଇ ଯାଉଥିଲେ । ଶୁକ୍ରବାର ଦିନ ପ୍ରାୟ ୧୧ ଟା ବେଳେ ଛାତ୍ରୀ ଜଣକ ଚାଲି ଚାଲି ଯାଉଥିବା ବେଳେ ଜାତୀୟ ରାଜପଥରେ ଯାଆ ଆସ କରିଥିବା ଗୋବିନ୍ଦପୁର ଛକ ଠାରେ ଏକ ଟ୍ରକ୍ ଆଗକୁ ଚାଲି ଆସୁଥିଲେ ଯୁବତୀ । ଏହି ସମୟରେ ସେହି ବାଟେ ଯାଉଥିବା ସାମ୍ବାଦିକ ଜଣକ ହଠାତ୍ ଯୁବତୀଙ୍କ ହାତକୁ ଟାଣି ଦେଇ ଦୁର୍ଘଟଣାରୁ ବଞ୍ଚାଇ ଥିବା ସାମ୍ବାଦିକ ସୂଚନା ଦେଇଛନ୍ତି । ପରେ ଛାତ୍ରୀ ଜଣଙ୍କୁ ପିଇବା ପାଇଁ ପାଣି ଦେଇ କିଛି ସମୟ ବସାଇଥିଲେ । କିଛି ସମୟ ପରେ ଛାତ୍ରୀର ମୋବାଇଲ୍କୁ ଏକ କଲ୍ ଆସିଥିଲା । ଫୋନଟିକୁ ସାମ୍ବାଦିକ ଉଠାଇଥିଲେ । ବିଶ୍ଵବିଦ୍ୟାଳୟରୁ କହୁଥିବା କହିବା ପରେ ଏହି ଘଟଣା ଜଣାଇବା ସହ ଗୋବିନ୍ଦପୁର ଛକରେ ଯୁବତୀଙ୍କ ଚେତା ନଥିବା କହିଥିଲେ । ପରେ ହଷ୍ଟେଲ ଦାୟିତ୍ୱରେ ଥିବା କର୍ତୃପକ୍ଷ ସେଠାରେ ପହଞ୍ଚି ଛାତ୍ରୀଙ୍କୁ ଉଦ୍ଧାର କରି ଭଞ୍ଜବିହାର ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଇଥିବା ଜଣାପଡ଼ିଛି । ସେଠାରେ ହଷ୍ଟେଲ ଦାୟିତ୍ୱରେ ଥିବା କର୍ତୃପକ୍ଷ ସେଠାରେ ପହଞ୍ଚି ତଦନ୍ତ କରୁଥିବା ଜଣାପଡିଛି ।
