ଭୁବନେଶ୍ଵର, ୯/୦୪ : ୱାକଫ୍ ବିଲ୍କୁ ନେଇ ବିଜେଡିରେ ହଲଚଲ୍। ଏନେଇ ପ୍ରତିକ୍ରିୟା ରଖିଛନ୍ତି ବିଜେଡି ନେତା ଅତନୁ ସବ୍ୟସାଚୀ ନାୟକ। ସେ କହିଛନ୍ତି ଯେ, ୱାକଫ ସମ୍ପର୍କରେ ସାଂସଦ ମୁନ୍ନା ଖାଁ ନବୀନ ପଟ୍ଟନାୟକଙ୍କୁ ଭେଟିଛନ୍ତି। ଧର୍ମ ନିରପେକ୍ଷତା ବଜାଏ ରହିଛି। ନବୀନ ପଟ୍ଟନାୟକ ଆମ ନେତା। ୨୫ ବର୍ଷରୁ ବିଜେଡିର ନେତୃତ୍ୱ ନେଉଛନ୍ତି। ସେ ଠିକଣା ସମୟରେ ଠିକଣା ନିଷ୍ପତ୍ତି ନିଅନ୍ତି। ଆବଶ୍ୟକତା ପଡିଲେ ନିଷ୍ପତ୍ତି ନେବେ। ଅପେକ୍ଷା କରନ୍ତୁ। ସବୁ ସାଂସଦ ଓ ଦାୟିତ୍ୱରେ ଥିବା ନେତା ଗୋଟେ ଧାଡିରେ ଅଛନ୍ତି। କାହାର ଓଲମ ବିଲମ ନାହିଁ। ଘର ଭିତରେ ଖୁଟ୍ଖାଟ ହୁଏ।
ସେହିପରି ପ୍ରଭାତ ତ୍ରିପାଠୀଙ୍କ ପ୍ରତିକ୍ରିୟାକୁ ନେଇ ଅତନୁ କହିଛନ୍ତି ଯେ, ସେ ମୋ ନାଁ ନେଇ ନାହାନ୍ତି। ମୋ DNAରେ ତୋସାମୋଦି କି ଚାମଚାଗିରି ନାହିଁ। ସେ ମୋ ବାପାଙ୍କୁ ଜାଣିଛନ୍ତି। ସେ ଶେଷ ଯାଏଁ ବିଜୁ ବାବୁଙ୍କ ସହ ଥିଲେ। ମୁଁ ନବୀନ ବାବୁଙ୍କ ସହ ଅଛି। ଦାୟିତ୍ୱ ନ ମିଳିଲେ ବି ନବୀନ ବାବୁଙ୍କ ସହ ଅଛି। ପ୍ରଭାତ ଭାଇ ତ ଆଉ ବିଜେଡିରେ ନାହାନ୍ତି। ସେ ନିଜେ ଏହା ସ୍ୱୀକାର କରିଛନ୍ତି। ସେ ବିଜେଡିର ଆଭ୍ୟନ୍ତରୀଣ କଥା ପାଇଁ ଏତେ ବ୍ୟସ୍ତ କାହିଁକି ? ନବୀନ ବାବୁଙ୍କ ନେତୃତ୍ୱକୁ କେହି ଚ୍ୟାଲେଞ୍ଜ କରି ନାହାନ୍ତି। କିଏ ନିଜେ ସୁବିଧା ପାଇଁ ଚ୍ୟାଲେଞ୍ଜ କରିଥିବେ। ଦେବାଶିଷ ବାବୁ ବି ଚ୍ୟାଲେଞ୍ଜ କରି ନାହାନ୍ତି। ଦଳ ବାହରେ କିଏ କଣ କହିଲେ ସମ୍ପର୍କ କଣ। କାହାକୁ କଣ ଆକ୍ଷେପ କଲେ ଅଲଗା କଥା। ଦଳ ଦୁଇ ଭାଗ ନୁହେଁ। ନବୀନଙ୍କ ନେତୃତ୍ୱରେ ଦଳ ଏକ। ସବୁ ଏକାଠି ହୋଇ ଅଛୁ। ସବୁବେଳେ ନବୀନ ବାବୁ ଠିକ ନିଷ୍ପତ୍ତି ନେଇଛନ୍ତି। ଲକ୍ଷ ଲକ୍ଷ କର୍ମୀ ନବୀନ ବାବୁଙ୍କ ପାଇଁ ଅଛନ୍ତି। ଦଳ ଶୃଙ୍ଖଳିତ। ନବୀନଙ୍କ ନିର୍ଦ୍ଦେଶ କାର୍ଯ୍ୟକାରୀ କରିବୁ।
ସେପଟେ ପଟିଆସ୍ଥିତ ହୋଟେଲ୍ କ୍ରିଷ୍ଟାଲ କ୍ରାଉନ୍ରେ ବିଜେଡି ବରିଷ୍ଠ ଏବଂ ଯୁବ ନେତାମାନେ ଏକାଠି ହୋଇଛନ୍ତି। ପ୍ରସନ୍ନ ଆଚାର୍ଯ୍ୟ, ଭୁପିନ୍ଦର ସିଂ, ଶଶିଭୂଷଣ ବେହେରା, ଅଶୋକ ପଣ୍ଡା, ବଦ୍ରୀ ପାତ୍ର, ନୃସିଂହ ସାହୁ, ଚନ୍ଦ୍ର ସାରଥୀ ବେହେରା, ଅନଙ୍ଗ ଉଦୟ ସିଂଦେଓଙ୍କ ଭଳି ନେତାଙ୍କୁ ଏଠାରେ ଦେଖିବାକୁ ମିଳିଛି। ତେବେ ବୈଠକର କାରଣ କଣ ତାହା ଜଣାପଡନି । ତଥାପି ୱାକଫ ବିଲ ସମର୍ଥନକୁ ନେଇ ଗତ କିଛି ଦିନ ହେଲା ବିଜେଡିରେ ହଲଚଲ ଦେଖିବାକୁ ମିଳିଛି । ଏହାରି ମଧ୍ୟରେ ବିଜେଡି ନେତାଙ୍କ ମେଳି ଅନେକ ପ୍ରଶ୍ନ ଉଠାଇଛି। କାରଣ ଗତକାଲି ନବୀନ ନିବାସରେ ବୈଠକ ଡାକିଥିଲେ ସୁପ୍ରିମୋ। ୱାକଫ ବିଲ ସମର୍ଥନକୁ ନେଇ କୌଣସି ପ୍ରକାର କାର୍ଯ୍ୟାନୁଷ୍ଠାନ ନେଇନାହିଁ ଦଳ।
