ପାକିସ୍ତାନୀ କଳାକାର ଫୱାଦ୍ ଖାନ୍ ବଲିଉଡ୍ରେ ପୁଣିଥରେ ଏଣ୍ଟ୍ରି ମାରିଛନ୍ତି । ଯାହାର ଘୋଷଣା ପରେ ତାଙ୍କ ପ୍ୟାନ୍ସଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଆଗାମୀ ଦିନରେ ସେ ଭାରତୀୟ ଅଭିନେତ୍ରୀ ବାଣୀ କପୁରଙ୍କ ସହ 'ଅବୀର ଗୁଲାଲ୍' ନାମକ ରୋମାଣ୍ଟିକ୍ ଫିଲ୍ମରେ କାମ କରିବେ। କିନ୍ତୁ ଏହି ପିଲ୍ମର ଘୋଷଣାକୁ ନେଇ ସମାଜର କିଛି ବର୍ଗର ଲୋକମାନେ ଆଲୋଚନା କରିଛନ୍ତି, କାରଣ ସେମାନେ ଚାହାନ୍ତିନି ଯେ କୌଣସି ପାକିସ୍ତାନୀ କଳାକାର ଭାରତରେ କାମ କରନ୍ତୁ।
ଏହାରି ଭିତରେ ଜଟ୍ ଫିଲ୍ମର ଅଭିନେତା ସନି ଦେଓଲ୍ ବଲିଉଡ୍ରେ କାମ କରୁଥିବା ପାକିସ୍କାନୀ କଳାକାରମାନଙ୍କ ବିଷୟରେ ନିଜର ମତ ରଖିଛନ୍ତି । ତାଙ୍କୁ ପ୍ରଶ୍ନ କରାଯାଇଥିଲା ଯେ, ଫୱାଦ୍ ଖାନ୍ଙ୍କ ଭଳି ପାକିସ୍ତାନୀ ଅଭିନେତା ଭାରତୀୟ ସିନେମାରେ ଅଭିନୟ କରିବା ଉଚିତ୍ ? ଏହାର ଉତ୍ତର ରଖି ସେ ଏଚ୍ଟି ସେଟ୍ଟୀଙ୍କୁ କହିଥିଲେ ଯେ, ମୁଁ ରାଜନୀତିରେ ପଶିବାକୁ ଚାହୁଁନି, କାରଣ ସେଠାରୁ ହିଁ ସବୁ ସମସ୍ୟା ଆରମ୍ଭ ହୋଇଥାଏ । ଆମେ ହେଉଛୁ ଅଭିନେତା । ଆମେ ସମଗ୍ର ବିଶ୍ୱର ଲୋକଙ୍କ ପାଇଁ କାମ କରିଥାଉ । ଆମ କାମକୁ କେହି ଦେଖୁ କିମ୍ୱା ନଦେଖୁ, ଆମେ ସମସ୍ତଙ୍କ ପାଇଁ କାମ କରୁ ଏବଂ ସମସ୍ତଙ୍କ ପାଇଁ ଅଛୁ । ଦୁନିଆ ଯେତେ ବଡ଼ ହେଲେ ବି ଆମକୁ ବୈଶ୍ୱିକ ରହିବା ଉଚିତ୍ । ଆହୁରି ଅଧିକ ଦେଶକୁ ମଧ୍ୟ ବୈଶ୍ୱିକ ହେବାକୁ ପ୍ରୋତ୍ସାହନ ଦେବା ଉଚିତ୍ ।
ଟାଇମ୍ସ ଅଫ୍ ଇଣ୍ଡିଆ ସହିତ ଏକ ଆଲୋଚନାରେ, ଅଭିନେତ୍ରୀ ମାୱରାଙ୍କୁ ଫୱାଦଙ୍କ ଆପତ୍ତି ବିଷୟରେ ପଚରାଯିବାରୁ ସେ କହିଥିଲେ ଯେ, "ମୁଁ ଏହାକୁ ବ୍ୟକ୍ତିଗତ ଭାବରେ ଗ୍ରହଣ କରେ ନାହିଁ। ଦୁନିଆ ଏହିପରି କାମ କରେ । ମୋତେ ଲାଗୁଛି ଯେ, ଯାହା ହେବାର ଥାଏ, ତାହା ନିଶ୍ଚୟ ହୁଏ । ମୁଁ ମୋ କାମ ଚାରିପାଖରେ ଥିବା ସମସ୍ତ ବାଧାକୁ ଅଟକାଇଥାଏ । ମୁଁ ଯାହା କରିବାକୁ ଭଲ ପାଏ ତାହା କରେ, ତେଣୁ ମୁଁ ଏହି ଜିନିଷ ଗୁଡ଼ିକୁ ମୋ ଉପରେ ପ୍ରଭାବ ପକାଇବାକୁ ଦିଏ ନାହିଁ। ଏହା ପ୍ରକୃତରେ ପ୍ରଯୋଜକଙ୍କ ମୁଣ୍ଡବିନ୍ଧା, ଯାହା ଅତ୍ୟନ୍ତ ଦୁଃଖଦାୟକ । କିନ୍ତୁ ଏହା ତାଙ୍କର ସମସ୍ୟା। ଯଦି ମୁଁ ଭାବିବି ଯେ, ଓଃ, କ'ଣ ହେବାକୁ ଯାଉଛି, ତେବେ ମୁଁ ସର୍ବଦା ଅସ୍ଥିର ରହିବି।"
ଫୱାଦ ଖାନଙ୍କ ସହ ତାଙ୍କର କୌଣସି କଥାବାର୍ତ୍ତା ହୋଇଛି କି ବୋଲି ପଚରାଯିବାରୁ ସେ କହିଥିଲେ,"ଯେତେବେଳେ ମୋର ସହକର୍ମୀମାନେ ଭଲ କାମ କରିଥାନ୍ତି, ଆମେ ନିଶ୍ଚିତ ଭାବରେ ପରସ୍ପର ସହିତ ଯୋଗାଯୋଗ କରିଥାଉ । ପରସ୍ପରକୁ ଶୁଭକାମନା ଜଣାଇଥାଉ। ମୁଁ ସମସ୍ତଙ୍କ ପାଇଁ ଶୁଭକାମନା କରୁଛି। ମୋର ବିଶ୍ୱାସ ଯେ, ଏହି ଫିଲ୍ମଟି ନିଶ୍ଚିତ ଭାବରେ ଲୋକପ୍ରିୟ ହେବ ।" ପୂର୍ବରୁ, ଫୱାଦଙ୍କ ମୁକ୍ତିକୁ ବିରୋଧ କରୁଥିବା ଲୋକଙ୍କ ଉପରେ ଅମିଷା ପଟେଲ ତାଙ୍କର ମତ ଦେଇଥିଲେ । ପଟେଲ କହିଥିଲେ, "ମୁଁ ପୂର୍ବରୁ ଫୱାଦ ଖାନଙ୍କୁ ପସନ୍ଦ କରୁଥିଲି । ଆମେ ପ୍ରତ୍ୟେକ ଅଭିନେତା ଏବଂ ପ୍ରତ୍ୟେକ ସଂଗୀତଜ୍ଞଙ୍କୁ ସ୍ୱାଗତ କରୁ। ଏହା ଭାରତର ସଂସ୍କୃତି।"
