ନୂଆଦିଲ୍ଲୀ : ୱେଷ୍ଟ ବ୍ୟାଙ୍କ୍ର କବାତିଆ ସହରରେ ଇସ୍ରାଏଲର ହମଲାରେ ଅତି କମ୍ରେ ୭ଜଣ ଫଲିସ୍ତିନିଙ୍କ ମୃତ୍ୟୁ ହୋଇଛି। ଏହି ମଧ୍ୟରେ ଇସ୍ରାଏଲୀୟ ସେନାର ଭିଡ଼ିଓ ଫୁଟେଜ୍ ସାମ୍ନାକୁ ଆସିଛି, ଯେଉଁଥିରେ ସୈନିକମାନେ ଏକ ଛାତରୁ ମୃତଦେହକୁ ତଳକୁ ପକାଉ ଥିବାର ନଜର ଆସୁଛି। ଫିଲିସ୍ତିନ ଏହି ଭିଡ଼ିଓରେ ପ୍ରତିକ୍ରିୟା ଦେଇ ଏହାକୁ ଅତି କ୍ରୁରତା ଭାବେ କହିଛି।
ଏକ୍ସରେ ଏକ ପୋଷ୍ଟରେ ଫିଲିସ୍ତିନ ବିଦେଶ ମନ୍ତ୍ରଣାଳୟ ଏହି ହରକତକୁ ଏକ ଅପରାଧ ଭାବେ ଦର୍ଶାଇଛି , ଯାହା ଇସ୍ରାଏଲ ସେନାର କ୍ରୁରତାକୁ ଜାଗ୍ରତ କରୁଛି। ବିଦେଶ ମନ୍ତ୍ରୀ ଶୁକ୍ରବାର କହିଛନ୍ତି କି, ଇସ୍ରାଏଲୀୟ ସେନା ପ୍ରଥମେ ତାଙ୍କୁ ଛାତ ଉପରେ ଗୁଳି କରିଥିଲେ, ଏହାପରେ ବିଲ୍ଡିଂରୁ ୩ଜଣଙ୍କୁ ତଳକୁ ପକାଇ ଥିଲେ। ପରେ ଏକ ସେନା ବୁଲଡୋଜର ସେହି ମୃତଦେହକୁ ନେଇ ଯାଇ ଥିଲା।
ଅଲ୍ ଜଜିରା ଅନୁସାରେ, ମିଳିଥିବା ଭିଡ଼ିଓ ଫୁଟେଜ୍ରେ ସୈନିକମାନେ ଏକ ବିଲ୍ଡିଂର ଛାତରୁ ସ୍ପଷ୍ଟ ରୂପେ ଠେଲିବାର ଦେଖିବାକୁ ମିଳୁଛି। ଏହା ପୂର୍ବରୁ ସେମାନେ ଏହି ସ୍ଥାନକୁ ଘେରି ଯାଇ ଥିଲେ ଏବଂ ଆଣ୍ଟିଟ୍ୟାଙ୍କ୍ ରାଇଫଲ ଗ୍ରେନେଡ୍ରେ ହମଲା କରିଥିଲେ। ଜଣେ ସୈନିକଙ୍କୁ ସ୍ପଷ୍ଟ ରୂପେ ଏକ ମୃତଦେହକୁ ସେପର୍ଯ୍ୟନ୍ତ ଗୋଇଠା ମାରିବାର ଦେଖିବାକୁ ମିଳୁଛି, ଯେପର୍ଯ୍ୟନ୍ତ ମୃତଦେହଟି ତଳକୁ ଖସି ପଡ଼ି ନାହିଁ।
ଫିଲିସ୍ତିନୀ ଅଧିକାରୀ ମୁସ୍ତଫା ବରଘୌତି କହିଛନ୍ତି କି, ଫୁଟେଜ୍ରେ ଦେଖାଯାଉ ଥିବା ବ୍ୟବହାର ବର୍ବରତା ପୂର୍ଣ୍ଣ ଓ ଅମାନବୀୟ। ଉଲ୍ଲେଖନୀୟ ଯେ , ଅନ୍ତରାଷ୍ଟ୍ରୀୟ ଆଇନ ଅନୁସାରେ ,ସୈନିକଙ୍କୁ ଏହା ସ୍ପଷ୍ଟ କରିବା ଉଚିତ ଯେ, ଶତ୍ରୁପକ୍ଷର ମୃତଦେହ ସହ ଶାଳୀନତାର ସହ ବ୍ୟବହାର କରାଯାଉ।
ଅନ୍ୟପଟେ , ଇସ୍ରାଏଲୀୟ ସେନାର ଦାବି କି , ସେମାନେ ସଂଘର୍ଷ ବେଳେ ୪ ଜଣ ଫିଲିସ୍ତିନି ବନ୍ଧୁକଧାରୀଙ୍କୁ ମାରିଛନ୍ତି । ସେନା ଏହି ଭିଡ଼ିଓକୁ ନେଇ କହିଛି କି ଏହାର ଯାଞ୍ଚ ଚାଲିଛି।
ସୂଚନା ଯେ, ୭ ଅକ୍ଟୋବରରୁ ନେଇ ବର୍ତ୍ତମାନ ସୁଦ୍ଧା ୱେଷ୍ଟବ୍ୟାଙ୍କରେ ୬୦୦ରୁ ଅଧିକ ଫିଲିସ୍ତିନୀଙ୍କୁ ହତ୍ୟା କରାଯାଇ ସାରିଛି।
