ମସ୍କୋ,୧୯।୯: ଋଷ ଉପରେ ୟୁକ୍ରେନ୍ର ଜୋରଦାର ହମଲା। ୟୁକ୍ରେନ୍ର ଡ୍ରୋନ୍ ଆକ୍ରମଣରେ ଋଷର ଅସ୍ତ୍ରାଗାରରେ ହୋଇଥିଲା ଭୟଙ୍କର ବିସ୍ଫୋରଣ। ଫଳରେ ଅସ୍ତ୍ରାଗାରର ଡିନୋ ନଷ୍ଟ ହେବା ସହ ବାଲାଷ୍ଟିକ ମିସାଇଲ ଓ ଗୋଳାବାରୁଦ ସବୁ ନଷଟ ହୋଇଯାଇଛି। ବିସ୍ଫୋରଣ ଏତେ ଜୋରଦାର ଥିଲା ଯେ, ନାସାର ସାଟେଲାଇଟ୍ ସେହି ଅଞ୍ଚଳରେ ଭୂମିକମ୍ପ ହୋଇଥିବା ସୂଚନା ଦେଇଛି। ପ୍ରାୟ ୬ କିଲୋମିଟର ପର୍ଯ୍ୟନ୍ତ ବ୍ୟାପି ଯାଇଥିଲା ନିଆଁ। ଆଖପାଖର ଲୋକ ଭୟରେ ସେହି ଅଞ୍ଚଳ ଖାଲି କରି ପଳାଇ ଯାଇଥିଲେ।
ୟୁକ୍ରେନ୍ ପୁଣିଥରେ ଋଷକୁ ଟାର୍ଗେଟ କରିଛି। ୟୁକ୍ରେନ୍ ଆକ୍ରମଣର ଭିଡିଓ ସୋସିଆଲ ମିଡିଆରେ ସାମନାକୁ ଆସିଛି। ୟୁକ୍ରେନ୍ ବୁଧବାର ପଶ୍ଚିମ ଋଷର ଟେରୋପେଟସ୍ ସହରରେ ଋଷ ହତିଆର ଡିପୋ ଉପରେ ଡ୍ରୋନ୍ ଆକ୍ରମଣ କରିଥିଲା। ଆକ୍ରମଣ ଏତେ ଭୟଙ୍କର ଥିଲା ଯେ, ନିଆଁ ପ୍ରାୟ ୬ କିଲୋମିଟର ପର୍ଯ୍ୟନ୍ତ ବ୍ୟାପି ଯାଇଥିଲା। ୟୁକ୍ରେନ୍ ଏହି ଆକ୍ରମଣ କରି ପ୍ରମାଣିତ କରିଛି ଯେ, ସେ ଋଷରେ ପଶିକି ମାରିବା ସହ ତାକୁ ମଧ୍ୟ ଦୋହଲାଇପାରେ। କିଛି ମାସ ପୂର୍ବେ ଋଷର କୁର୍ସ୍କ ସହରର ବହୁ କିଲୋମିଟର ପର୍ଯ୍ୟନ୍ତ ପଶି ୟୁକେନ୍ ସେନା ଦଖଲ କରିଥିଲା। କୁର୍ସ୍କ ସହରରେ ଋଷ ଓ ୟୁକ୍ରେନ୍ ସୈନିକ ସଂଘର୍ଷ କରୁଥିବାର ଦେଖିବାକୁ ମିଳିଥିଲେ।
ଅସ୍ତ୍ରାଗାରକୁ ଟାର୍ଗେଟ କରି ୟୁକ୍ରେନ୍ କରିଥିବା ଡ୍ରୋନ୍ ହମଲାର ନିଆଁ ୬ କିଲୋମିଟର ପର୍ଯ୍ୟନ୍ତ ବ୍ୟାପି ଯାଇଥିଲା। ଏହି କାରଣରୁ ପଶ୍ଚିମ ଋଷରେ ଆଶିଂକ ରୂପରେ ଲୋକଙ୍କୁ ନିଜର ଘର ଛାଡି ପଳାଉଥିବାର ଦେଖିବାକୁ ମିଳିଥିଲେ। ଆମେରିକା ମହାକାଶ ଏଜେନ୍ସି ନାସାର ସାଟେଲାଇଟ୍ ୟୁକ୍ରେନ୍ ଆକ୍ରମଣ ପରେ ଋଷର ସେହି ଅଞ୍ଚଳରେ ଭୂମିକମ୍ପ ଆସିଥିବାର ରିପୋର୍ଟ ଦେଇଥିଲା। କିଛି ଘଣ୍ଟା ପର୍ଯ୍ୟନ୍ତ ସେହି ଅଞ୍ଚଳର ପ୍ରାୟ ୧୪ ବର୍ଗ କିଲୋମିଟର ପର୍ଯ୍ୟନ୍ତ ଛୋଟ ଧରଣର ଭୂମିକମ୍ପ ଅନୁଭୂତ ହୋଇଥିଲା।