ନୂଆଦିଲ୍ଲୀ - ଭାରତୀୟ ବଂଶୋଦ୍ଭବ ନାସାର ଆଷ୍ଟ୍ରୋନାଟ୍ ସୁନୀତା ୱିଲିୟମ୍ସ ଏହି ସମୟରେ ଖୁବ୍ ଚର୍ଚ୍ଚାରେ। ସେ ଆଉ ଜଣେ ଆଷ୍ଟ୍ରୋନାଟ୍ ବୁଚ୍ ୱିଲମୋରଙ୍କ ସହ ମହାକାଶରେ ଫସି ରହିଛନ୍ତି। ସୁନୀତା ଓ ୱିଲମୋର ଜୁନ୍ ପୂର୍ବ ସପ୍ତାହରେ ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନକୁ ଯାଇ ଥିଲେ, କିନ୍ତୁ ବୋଇଂ ଷ୍ଟାରଲାଇନରରେ ସମସ୍ୟା ଆସିବା କାରଣରୁ ଏବେ ଉଭୟ ସ୍ପେସ୍ଏକ୍ସ କ୍ରୁ-୯ ସ୍ପେସ୍କ୍ରାଫ୍ଟ ମାଧ୍ୟମରେ ଆଗାମୀ ବର୍ଷ ଜାନୁୟାରୀରେ ଫେରି ଆସିବେ। ଏହି ମିଶନ ପାଇଁ ମହାକାଶକୁ ଯାଉଥିବା କ୍ରୁ-୯କୁ ନେଇ ବଡ଼ ଅପଡେଟ୍ ଆସିଛି।
କ୍ରୁ-୯କୁ ପ୍ରଥମେ ୨୫ ସେପ୍ଟେମ୍ୱରରେ ସ୍ପେସ୍ ପାଇଁ ଲଞ୍ଚ କରାଯିବାର ଥିଲା , କିନ୍ତୁ ଏବେ ଏଥିରେ ଗୋଟିଏ ଦିନର ବିଳମ୍ୱ ହୋଇଛି। ଏବେ ଏହାର ଲଞ୍ଚିଂ ୨୫ ସେପ୍ଟେମ୍ୱର ନୁହେଁ ବରଂ ୨୬ ସେପ୍ଟେମ୍ୱରରେ ହେବ। ହେଲେ ଏଥିରେ ସୁନୀତା ୱିଲିୟମ୍ସ ଓ ବୁଚ୍ ୱିଲମୋରଙ୍କର ପୃଥିବୀକୁ ଫେରିବା ନେଇ ବର୍ତ୍ତମାନ କୌଣସି ପ୍ରଭାବ ନାହିଁ , କାରଣ ଦୁହେଁ ଆଗାମୀ ବର୍ଷ ଫେବ୍ରୁଆରୀରେ ଏହି ସ୍ପେସ୍କ୍ରାଫ୍ଟରେ ଫେରିବେ।
ନାସା କମର୍ସିଆଲ କ୍ରୁ ଏକ୍ସରେ ପୋଷ୍ଟ କରିଛନ୍ତି , ନାସା ଓ ସ୍ପେସ୍ଏକ୍ସ ସ୍ପେସ୍ ଷ୍ଟେସନ ପାଇଁ କ୍ରୁ-୯ର ଲଞ୍ଚିଂର ତାରିଖକୁ ୨୬ସେପ୍ଟେମ୍ୱର ପୂର୍ବରୁ ଟାର୍ଗେଟ୍ କରୁନାହିଁ । ଏହାସହ ୨୭ ଓ ୨୮ ସେପ୍ଟେମ୍ୱରକୁ ବ୍ୟାକଅପ୍ ଡେଟ୍ସ ଭାବେ ମଧ୍ୟ ରଖାଯାଇଛି। ମିଳିତ ଟିମ୍ କେପ୍ କାନଭେରଲ ସ୍ପେସ୍ ଫୋର୍ସ ଷ୍ଟେସନରେ ସ୍ପେସ ଲଞ୍ଚ କମ୍ପ୍ଲେକ୍ସ ୪୦ରୁ ଲଞ୍ଚ ପୂର୍ବରୁ ପ୍ରିଲଞ୍ଚ୍ ଅପରେସନ ଓ ହାର୍ଡୱେୟର ପ୍ରୋସେସିଂ ମାଧ୍ୟମରେ ନିଜ କାମ ଜାରି ରଖିବ। ଏହା ବ୍ୟତୀତ ଲିଫ୍ଟ ଅଫ୍ ପୂର୍ବରୁ ପାଗର ଅନୁଧ୍ୟାନ ବି କରିବ। କେନେଡି ସ୍ପେସ୍ ସେଣ୍ଟରରେ ଚାଳକ ଦଳ ( କ୍ରୁ ମେମ୍ୱର) ର ଆଗମନ ଏବେ ୨୧ସେପ୍ଟେମ୍ୱର ପାଇଁ ନିର୍ଦ୍ଧାରିତ ରହିଛି।
NASA and SpaceX are targeting no earlier than Thursday, Sept. 26 for the launch of the #Crew9 mission to the @Space_Station, with back-up dates on Friday, Sept. 27 and Saturday, Sept. 28.
— NASA Commercial Crew (@Commercial_Crew) September 18, 2024
Joint teams continue to work through prelaunch operations and hardware processing ahead of… pic.twitter.com/DDIwvxxexX
କହି ରଖୁଛୁ କି , ଏହା ପୂର୍ବରୁ ନାସା କ୍ରୁ-୯ ମିଶନର ଲଞ୍ଚିଂ ପାଇଁ ୨୫ ସେପ୍ଟେମ୍ୱରର ତାରିଖ ସ୍ଥିର କରିଥିଲା। ଏବେ ଏହା ୨୬ ସେପ୍ଟେମ୍ୱର କରି ଦିଆ ଯାଇଛି।
