ନୂଆଦିଲ୍ଲୀ,୧୩।୧: ଦେଶର ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ ଜମ୍ମୁ-କଶ୍ମୀର ସୁରକ୍ଷା ବ୍ୟବସ୍ଥାକୁ ନେଇ ଦେଇଛନ୍ତି ବଡ଼ ବୟାନ। ଶନିବାର ସେ କହିଛନ୍ତି, ଗତ ବର୍ଷ ମୃତ ୬୦% ଆତଙ୍କବାଦୀ ପାକିସ୍ତାନର ଥିଲେ। ଆଜିର ସ୍ଥିତିରେ ଘାଟି ଓ ଜମ୍ମୁରେ ଯେଉଁ ଆତଙ୍କବାଦୀ ଅଛନ୍ତି, ଆମକୁ ଲାଗୁଛି ତାଙ୍କ ଭିତରୁ ପ୍ରାୟ ୮୦% ପାକିସ୍ତାନୀ। ଜମ୍ମୁ-କଶ୍ମୀର ବିଷୟରେ ଯଦି କଥା ହେବା ତେବେ ସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣରେ ରହିଛି। ନିୟନ୍ତ୍ରଣ ରେଖାରେ ଡିଜିଏମ୍ଓ ଭିତରେ ସହମତି ପରେ ଫେବୃଆରୀ ୨୦୨୧ ରୁ ପ୍ରଭାବୀ ସଂଘର୍ଷ ବିରାମ ଜାରି ରହିଛି। ତେବେ ଆତଙ୍କୀ ଢାଞ୍ଚା ଜାରି ରହିଛି। ଆଇବି ସେକ୍ଟରରୁ ଅନୁପ୍ରବେଶ କରିବାର ଚେଷ୍ଟା ଜାରି ରହିଛି। ନିକଟରେ ଉତ୍ତର କାଶ୍ମୀର ଓ ଡୋଡାର କିଶତଓ୍ବାଡା ବେଲ୍ଟରେ ଆତଙ୍କବାଦୀ ଗତିବିଧି ବୃଦ୍ଧି ଘଟିଛି।
ଜେନେରାଲ ଦ୍ବିବେଦୀ କହିଛନ୍ତି ଆମେ ଏଥର ଅମରନାଥ ଯାତ୍ରା ବେଳେ ୫ ଲକ୍ଷରୁ ଅଧିକ ତୀର୍ଥଯାତ୍ରୀଙ୍କୁ ଦେଖିଛି। ନିର୍ବାଚନକୁ ଶାନ୍ତିପୂର୍ଣ୍ଣ ସଞ୍ଚାଳନର ଏକ ସକାରତ୍ମକ ପରିବର୍ତ୍ତନ ସଙ୍କେତ। ସେ କହିଛନ୍ତି ‘ଟେରୋରିଜମ୍ରୁ ଟୁରିଜିମ୍’ ଥିମ ଧିରେ ଧିରେ ଆକାର ନେଉଛି। ସେ କହିଚନ୍ତି, ମୁଁ ସବୁଠାରୁ ପ୍ରଥମ ପ୍ରସଙ୍ଗ ଉପରେ କଥା ହେବି ଓ ଉତ୍ତର ସୀମାରୁ ଆରମ୍ଭ କରିବି। ଯେପରିକି ଆପଣମାନେ ଜାଣନ୍ତି, ସ୍ଥିତି ସମ୍ବେଦନଶୀଳ କିନ୍ତୁ ସ୍ଥିର ରହିଛି। ଅକ୍ଟୋବରରେ ପୂର୍ବ ଲଦାଖର ଦେପସାଙ୍ଗ ଓ ଡେମଚୋକରେ ସ୍ଥିତିରେ ସୁଧାର ହୋଇଛି।
୧.୫ ଲକ୍ଷ କୋଟିର ଡିଫେନ୍ସ ଡିଲ୍ କରିବାକୁ ଯାଉଛି ଭାରତ, ସେନାକୁ ମିଳିବ ଫାଇଟର ଜେଟ୍, ସବମରିନ୍ ସହ ଏହି ସବୁ ଅସ୍ତ୍ର
ସେନା ମୁଖ୍ୟ କହିଛନ୍ତି, ଏଲଏସିରେ ଆମର ମୁତୟନ ସନ୍ତୁଳିତ ଓ ମଜବୁତ ରହିଛି। ଆମେ କୌଣସି ସ୍ଥିତିର ମୁକାବିଲା ପାଇଁ ଭାବରେ ଭାବରେ ପ୍ରସ୍ତୁତ ଅଛି। ଉତ୍ତର ସୀମା ପାଇଁ ଏକ ଫୋକସ୍ କ୍ଷମତା ବିକାଶ ଯୁଦ୍ଧ-ଲଢିବାର ପ୍ରଣାଳୀରେ ଟେକ୍ନୋଲୋଜିର ସଞ୍ଚାରକୁ ସକ୍ଷମ କରାଯାଇଛି। ସେଭଳି ସେନା ଜମ୍ମୁର ଅଖନୁର ସେକ୍ଟରରେ ଆତଙ୍କବାଦୀଙ୍କ ସନ୍ଦିଗ୍ଧ ଗତିବିଧିର ସୂଚନା ମିଳିବା ପରେ ତଲାସୀ ଅଭିଯାନ ଆରମ୍ଭ କରିଛି। ରବିବାର ଡ୍ରୋନ୍ ଏବଂ ଅନ୍ୟ ଉପକରଣର ସାହାଯ୍ୟ ନିଆଯାଇଥିଲା।
