ମୁମ୍ବାଇ,୧୩/୦୧: ଟିଭି ଓ ବଲିଉଡ ଫିଲ୍ମ ଇଣ୍ଡଷ୍ଟ୍ରୀର ଜଣାଶୁଣା ଅଭିନେତା ରାମ କପୁର । ଏବେ ସେ ଖୁବ ଚର୍ଚ୍ଚାରେ । ଫିଲ୍ମ କିମ୍ବା ସିରିଏଲକୁ ନେଇ ନୁହେଁ ବରଂ ତାଙ୍କ ସ୍ବାସ୍ଥ୍ୟରେ ଯେଉଁ ଟ୍ରନ୍ସଫରମେସନ ଆଣିଛନ୍ତି ତାକୁ ନେଇ ଚର୍ଚ୍ଚାରେ ରହିଛନ୍ତି । ୧୮ ମାସରେ ୫୫ କେଜି ଓଜନ କମାଇ ୧୪୦ କେଜିରୁ ୮୫ କେଜି ହୋଇ ଚର୍ଚ୍ଚାରେ ଅଛନ୍ତି ରାମ୍ କପୁର ।

ଆଜିକାଲି ମୋଟାପଣ ସମସ୍ତଙ୍କ ପାଇଁ ଚିନ୍ତାର କାରଣ ହୋଇଛି । ଯେଉଁଥିରୁ ମୁକୁଳିବା ପ୍ରାୟ ସମସ୍ତଙ୍କ ପାଇଁ କାଠିକର ପାଠ ହୋଇଛି । ଟେଲିଭିଜନ ଷ୍ଟାର ରାମ୍ କପୁର ତାଙ୍କ ଓଜନ କମାଇ ଏକ ଉଦାହରଣ ସୃଷ୍ଟି କରିଛନ୍ତି । ୧୮ ମାସରେ ୫୫ କେଜି ଓଜନ କାମାଇ ୧୪୦ କେଜିରୁ ସିଧା ୮ ୪ କେଜି ହୋଇଛନ୍ତି । ରାମଙ୍କର  ଏହି ଟ୍ରନ୍ସଫରମେସନକୁ ଦେଖି ସମସ୍ତେ ଆଶ୍ଚର୍ଯ୍ୟ । କେମିତି ରାମ କପୁରଙ୍କୁ ଏହି ସଫଳତା ମିଳିଲା । ତାଙ୍କୁ କଣ କଣ କରିବାକୁ ପଡିଛି ଆସନ୍ତୁ ଜାଣିବା ।

୫୧ ବର୍ଷୀୟ ରାମ୍ କପୁର ସିରିଏଲ 'ବଡେ ଅଚ୍ଛେ ଲଗତେ ହେଁ'ରୁ ବେଶ୍ ପ୍ରଶଂସା ସାଉଟି ଥିଲେ । ରାମ କପୁରଙ୍କ ଓଜନ ଲଗାତାର ବଢୁଥିଲା । ଏହାକୁ ନିୟନ୍ତ୍ରଣକୁ ଆଣିବା ତାଙ୍କ ପାଇଁ କଷ୍ଟକର ହୋଇଥିଲା । କିନ୍ତୁ ସେ ହାର ନ ମାନି ୱେଟ ଲସ୍ ଯାତ୍ରା ଆରମ୍ଭ କରିଥିଲେ । ସନ୍ତୁଳିତ ଖାଦ୍ୟପେୟ ସହ ପ୍ରତିଦିନ ବ୍ୟାୟାମ କରି ମାତ୍ର ୧୮ ମାସରେ ୫୫କେଜି ଓଜନ କମାଇବାରେ ସଫଳ ହୋଇଥିଲେ । ଖାଲି ସେତିକି ନୁହେଁ ଓଜନ କମାଇବା ସହ ମେହବହୁଳତା, ଡାଏବେଟିସକୁ ବାଏ ବାଏ କହିଥିଲେ ଅଭିନେତା ରାମ୍ କପୁର ।

ଏହା ବି ପଢନ୍ତୁ...ରକ୍ତ ଶର୍କରାରେ ଖାଦ୍ୟର ପ୍ରଭାବ, ଅସନ୍ତୁଳନ ଦେଖାଦେଲେ ବଢ଼େ ମଧୁମେହ

https://prameya.com/foods-that-cause-blood-sugar-level-to-rise

ରାମ୍ କପୁରଙ୍କର ଏହି ଓଜନ କମାଇବା ଯାତ୍ରା ସହଜ ନଥିଲା । ବୟସ ଅନୁସାରେ ମେହବହୁଳତା ତାଙ୍କ ପାଇଁ ଚ୍ୟାଲେଞ୍ଜ ହୋଇଥିଲା । ଲଗାତାର ପରିଶ୍ରମ କରିବା ସତ୍ତ୍ବେ କୌଣସି ସୁଫଳ ଦେଉନଥିଲା । କିନ୍ତୁ ରାମ୍ ହାର ମାନି ନଥିଲେ । ଗୋଲ ସେଟ୍ କରିଥିଲେ । ଯାତ୍ରା ଜାରି ରଖିଥିଲେ । ପ୍ରଥମେ ୧ କିଲୋ ଓଜନ କମାଇବାକୁ ଟାର୍ଗେଟ କରିଥିଲେ । ହେଲ୍ଦୀ ଖାଦ୍ୟ ସହ ପ୍ରତିଦିନ ବ୍ୟାୟାମ କରୁଥିଲେ ରାମ୍ । ୧୮ ମାସରେ ୫୫ କେଜି ଓଜନ କମାଇବାରେ ସଫଳ ହୋଇଥିଲେ । ପୂର୍ବ ରାମ କପୁର ଓ ଏବେକାର ରାମ କପୁରଙ୍କ ମଧ୍ୟରେ ଆକାଶ ପାତାଳ ଫରକ ଦେଖିବାକୁ ମିଳିଛି । ସୋସିଆଲ ମିଡିଆରେ ତାଙ୍କ ଫଟୋ ଦେଖି ୟୁଜର୍ସ ଆଶ୍ଚର୍ଯ୍ୟ ହୋଇଛନ୍ତି ହେବା ସହ ତାରିଫ ମଧ୍ୟ କରିଛନ୍ତି ।