ମୁମ୍ବାଇ, ୧୨/୧ : ରାଜେଶ ଖାନ୍ନା ବଲିଉଡ଼ର ପ୍ରଥମ ସୁପରଷ୍ଟାର ଭାବେ ଜଣାଯାଇଥାନ୍ତି । ସେ ୧୯୭୦ଦଶକରେ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରୀରେ ରାଜ୍ କରୁଥିଲେ । ତାଙ୍କ ଫିଲ୍ମ ବକ୍ସ ଅଫିସରେ ଧମାଲ ମଚାଉଥିଲା । ଏହି ସମୟରେ ରାଜେଶ ଖାନ୍ନାଙ୍କୁ ଏକ ଏଭଳି ଫିଲ୍ମରେ ଅଭିନୟର ଅଫର ମିଳିଥିଲା ଯାହା ପ୍ରଥମେ ଶଶି କପୁରଙ୍କୁ ଅଫର କରାଯାଇଥିଲା । ଶଶି କପୁର ଏହି ଫିଲ୍ମକୁ ରିଜେକ୍ଟ କରି ଦେଇଥିଲେ । ଯାହା ପରେ ଏହି ଫିଲ୍ମକୁ ରାଜେଶ ଖାନ୍ନା କରିଥିଲେ । ଏହି ଫିଲ୍ମ ପରବର୍ତ୍ତି ସମୟରେ ସୁପରହିଟ୍ ହୋଇଥିଲା । ଫିଲ୍ମ ୫୫ବର୍ଷ ପୂର୍ବରୁ ବକ୍ସ ଅଫିସରରେ ସନସନି କରି ଦେଇଥିଲା । ୧୯୭୦ରେ ଆସିଥିବା ଏହି ଫିଲ୍ମରେ ରାଜେଶ ଖାନ୍ନା ନାୟକ ଏବଂ ଖଳନାୟକ ଉଭୟ ଭୂମିକାରେ ଅଭିନୟ କରିଥିଲେ । ଫିଲ୍ମରେ ମୁମତାଜଙ୍କ ସହ ତାଙ୍କ ଜୋଡ଼ି ହିଟ୍ ଥିଲା ଏବଂ ସ୍କ୍ରିନରେ ତାଙ୍କ କେମେଷ୍ଟ୍ରିକୁ ଖୁବ୍ ପସନ୍ଦ କରିଥିଲେ ଲୋକେ । ଏହି ଫିଲ୍ମ ଥିଲା ସଚ୍ଚା ଝୁଠା ।
ରୋଚକ କଥା ଏହା କି ଏହି ଫିଲ୍ମ ଲାଗି ପ୍ରଥମେ ଶଶି କପୁରଙ୍କୁ ଚୟନ କରାଯାଇଥିଲା । କିନ୍ତୁ ସେ ମୁମତାଜଙ୍କ ସହ କାମ କରିବାକୁ ଚାହୁଁନଥିଲେ । ଯେଉଁ କାରଣରୁ ସେ ଫିଲ୍ମକୁ ରିଜେକ୍ଟ କରିଦେଇଥିଲେ । ସେ ଏହି ସମୟରେ କେତେକ ବି ଗ୍ରେଡ ଷ୍ଟଣ୍ଟ ଫିଲ୍ମରେ ଅଭିନୟ କରୁଥିଲେ । ଫଳରେ ଏହି ଫିଲ୍ମ ରାଜେଶ ଖାନ୍ନାଙ୍କୁ ଅଫର କରାଯାଇଥିଲା । ଯିଏ ଏହି ଫିଲ୍ମ ସହ ବକ୍ସ ଅଫିସରେ ଇତିହାସ ରଚିଥିଲେ ।
