ନୂଆଦିଲ୍ଲୀ,୧୩/୦୨: ଦୁର୍ନୀତି ତାଲିକାରେ ଭାରତର ସ୍ଥାନ ତଳକୁ ଖସିଚାଲିଛି । ଅର୍ଥାତ ଦୁର୍ନୀତି ବଢ଼ୁଛି । ଗତବର୍ଷ ରାଙ୍କ୍ ଥିଲା ୯୩ । ୩ଟି ସ୍ଥାନ ତଳକୁ ଖସି ଏ ବର୍ଷ ୯୬ରେ । ୨୦୧୮ରେ ଭାରତ ୮୦ତମ ସ୍ଥାନରେ ଥିଲା । ଗତ ୧୦ ବର୍ଷରେ ଏହା ଭାରତର ସବୁଠୁ ଖରାପ ରାଙ୍କିଙ୍ଗ।
ତାଲିକାର ପ୍ରଥମ ରାଙ୍କରେ ରହିଛି ଡେନମାର୍କ । ଅର୍ଥାତ୍ ଡେନମାର୍କରେ ଦୁର୍ନୀତି ସବୁଠାରୁ କମ୍ । ସ୍ୱଚ୍ଛତା ପାଇଁ ୧୦୦ରୁ ୯୦ ମାର୍କ ପାଇଛି ଦେଶ । ଭାରତର ସ୍କୋର ମାତ୍ର ୩୮ । ରାଙ୍କ ବଢ଼ିବା ଅର୍ଥ କମ୍ ସ୍ୱଛ, ଅଧିକ ଦୁର୍ନୀତି । ଦୁର୍ନୀତି ବିରୋଧରେ କାମ କରୁଥିବା ଅନ୍ତର୍ଜାତୀୟ ସଙ୍ଗଠନ ‘ଟ୍ରାନ୍ସପରେନ୍ସି ଇଣ୍ଟରନ୍ୟାସନାଲ’ ଏହାର କରପ୍ସନ ପର୍ସେପ୍ସନ ଇଣ୍ଡେକ୍ସ (ସିପିଆଇ)-୨୦୨୪ ଜାରି କରିଥିବା ତାଲିକାରେ ୧୮୦ ଦେଶର ତାଲିକାର ଦୁର୍ନୀତି ରାଙ୍କ ପ୍ରକାଶ ପାଇଛି । ଭାରତ ସହ ସମାନ ସ୍ଥାନ (୯୬)ରେ ଗାମ୍ବିଆ ଏବଂ ମାଳଦ୍ୱୀପ ରହିଛି ।
ସରକାରୀ କ୍ଷେତ୍ରରେ ହେଉଥିବା ଦୁର୍ନୀତିରେ ସିପିଆଇ ଏକ ବୈଶ୍ୱିକ ବାରୋମିଟର ଭାବେ କାମ କରେ । ଏହା ୦ ରୁ ୧୦୦ ଭିତରେ ବିଭିନ୍ନ ଦେଶକୁ ନମ୍ବର ଦେଇଥାଏ । ୨୦୨୩ରେ ଏହା ୩୯ ଏବଂ ୨୦୨୨ରେ ଭାରତ ୪୦ ନମ୍ବର ପାଇଥିଲା । ଏହା ସୂଚାଉଛି ଯେ ପ୍ରତିବର୍ଷ ଭାରତରେ ଦୁର୍ନୀତି ବଢ଼ି ଚାଳିଛି ।
ଆମେରିକାରେ ପ୍ରଧାନମନ୍ତ୍ରୀ ମୋଦିଙ୍କୁ ଭବ୍ୟ ସ୍ବାଗତ , ଦୁଇ ଦେଶ ମଧ୍ୟରେ ହେବ ଦ୍ବିପାକ୍ଷିକ ଆଲୋଚନା
ଭାରତର ପଡ଼ୋଶୀ ପାକିସ୍ତାନ ଏହି ତାଲିକାରେ ୧୩୫ ତମ ସ୍ଥାନରେ ରହିଛି । ସେହିପରି ଶ୍ରୀଲଙ୍କା ୧୨୧, ବାଂଲାଦେଶ ୧୪୯ ଏବଂ ଚୀନ୍ ଉନ୍ନତ ପ୍ରଦର୍ଶନ କରି ୭୬ ତମ ସ୍ଥାନରେ ରହିଛି । ଆଫଗାନିସ୍ତାନର ରାଙ୍କ ୧୬୫ ରହିଛି । ଏହା ତଳକୁ ରହିଛନ୍ତି ଫିନ୍ଲ୍ୟାଣ୍ଡ(୮୮), ସିଙ୍ଗାପୁର(୮୪), ନ୍ୟୁଜିଲାଣ୍ଡ(୮୩) । ସାଉଥ୍ ସୁଦାନ ସବୁଠାରୁ ଦୁର୍ନୀତିଗ୍ରସ୍ତ ଦେଶ ହୋଇଛି । ଇଣ୍ଡେକ୍ସରେ ଏହା ମାତ୍ର ୮ ନମ୍ବର ପାଇ ସବୁଠୁ ତଳେ ରହିଛି । ସାଉଥ ସୁଦାନ ଉପରେ ରହିଛି ସୋମାଲିଆ (୯), ଭେନେଜୁଏଲା(୧୦), ସିରିଆ(୧୨), ଲିବ୍ୟା ଏବଂ ୟେମେନ (୧୩) ।
ସାଉଥ୍ ସୁଦାନ ସବୁଠାରୁ ଦୁର୍ନୀତିଗ୍ରସ୍ତ ଦେଶ ହୋଇଛି । ଇଣ୍ଡେକ୍ସରେ ଏହା ମାତ୍ର ୮ ନମ୍ବର ପାଇ ସବୁଠୁ ତଳେ ରହିଛି । ସାଉଥ ସୁଦାନ ଉପରେ ରହିଛି ସୋମାଲିଆ (୯), ଭେନେଜୁଏଲା(୧୦), ସିରିଆ(୧୨), ଲିବ୍ୟା ଏବଂ ୟେମେନ (୧୩) । ୨୦୧୨ ତୁଳନାରେ ୩୨ ଦେଶ ସେମାନଙ୍କ ଦୁର୍ନୀତି ସ୍ତର ଆଖିଦୃଶିଆ ଭାବେ କମାଇଥିବା ରିପୋର୍ଟରେ କୁହାଯାଇଛି ।୨୨ ନମ୍ବର ପାଇ ରୁଷ୍ ୧୫୪ ସ୍ଥାନରେ ରହିଛି । ୨୮ତମ ରାଙ୍କରେ ଥିବା ଆମେରିକାକୁ ୬୫ ନମ୍ବର ମିଳିଛି । ଉଭୟ ବ୍ରିଟେନ ଏବଂ ଜାପାନ ୭୧ ନମ୍ବର ପାଇ ୨୦ତମ ର୍ୟାଙ୍କରେ ରହିଛନ୍ତି।
ରିପୋର୍ଟ ଦର୍ଶାଇଛି ଯେ ଭାରତରେ ଗତ ୧୦ ବର୍ଷରେ ଦୁର୍ନୀତି ବଢ଼ିଛି । ୨୦୧୫ରେ ଭାରତ ଏହି ତାଲିକାରେ ୭୬ତମ ସ୍ଥାନରେ ରହିଥିଲା । ୧୦ ବର୍ଷରେ ଭାରତ ୧୧ ସ୍ଥାନ ତଳକୁ ଖସି ୯୬ରେ ପହଞ୍ଚିଛି । ୨୦୧୪ରୁ ୨୦୨୪ ମଧ୍ୟରେ ଭାରତ ୨୦୧୫ରେ ସବୁଠୁ ଭଲ ପ୍ରଦର୍ଶନ କରିଥିଲା । ସେହିବର୍ଷ ଭାରତ ସିପିଆଇ ତାଲିକାରେ ୭୬ତମ ସ୍ଥାନରେ ରହିଥିଲା । ଏହା ପରଠାରୁ ଭାରତର ରାଙ୍କିଙ୍ଗ ଲଗାତର ତଳକୁ ଖସିବାରେ ଲାଗିଛି । ମୋଟ ବିଶ୍ୱ ଜନସଂଖ୍ୟାର ୮୫% ଲୋକ ଏପରି ଦେଶରେ ରହୁଛନ୍ତି, ଯାହାର ସିପିଆଇ ସ୍କୋର ୫୦ରୁ କମ୍ । ସବୁଠାରୁ କମ୍ ସ୍କୋର କରିଥିବା ଅଧିକାଂଶ ଦେଶ ଯୁଦ୍ଧ କିମ୍ବା ଅନ୍ୟ ପ୍ରକାର ସଂଘର୍ଷର ସମ୍ମୁଖୀନ ହେଉଛନ୍ତି ।
ଟ୍ରାନ୍ସପରେନ୍ସି ଇଣ୍ଟରନ୍ୟାସନାଲ କହିଛି ଯେ, ଦୁର୍ନୀତି ସାରା ବିଶ୍ୱରେ ଜଳବାୟୁ ପରିବର୍ତ୍ତନ ବିରୋଧରେ ନିଆଯାଉଥିବା ପଦକ୍ଷେପ ବାଟରେ ବଡ଼ ବାଧକ ହୋଇ ଛିଡ଼ା ହୋଇଛି । ରେକର୍ଡ ଭାଙ୍ଗୁଥିବା ବିଶ୍ୱତାପନ, ଅଚାନକ ପାଣିପାଗ ପରିବର୍ତ୍ତନ, ଗଣତନ୍ତ୍ରର ମୂଲ୍ୟବୋଧ ହ୍ରାସ ସମେତ ବୈଶ୍ୱିକ ସ୍ତରରେ ଜଳବାୟୁ ପରିବର୍ତ୍ତନ ବିରୋଧୀ ନେତୃତ୍ୱ ମଧ୍ୟ ଦୁର୍ବଳ ପଡ଼ିଛି । ଜଳବାୟୁ ପରିବର୍ତ୍ତନ ବିରୋଧୀ ଲଢ଼େଇକୁ ଦୁର୍ନୀତି ଅଧିକ କଷ୍ଟକର କରିଦେଇଛି ।
