ନୂଆଦିଲ୍ଲୀ,୧୩/୦୨:  ସଫଳ ଫ୍ରାନ୍ସ ଯାତ୍ରା ପରେ ଏବେ  ଦୁଇଦିନିଆ ଆମେରିକା ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆମେରିକାରେ ପହଞ୍ଚିବା ପରେ ବିମାନବନ୍ଦରରେ ତାଙ୍କର ଭବ୍ୟ ସ୍ବାଗତ କରାଯାଇଛି । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମୋଦିଙ୍କ ସହ କରିବେ ଦ୍ବିପାକ୍ଷିକ ଆଲୋଚନା। ପ୍ରଧାନମନ୍ତ୍ରୀ ମୋଦିଙ୍କ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଦ୍ୱିତୀୟ କାର୍ଯ୍ୟକାଳ ପରେ ଏହା ପ୍ରଥମ ସାକ୍ଷାତ।  ୱାଶିଂଟନର ଜଏଣ୍ଟ ଆଣ୍ଡ୍ରୁଜ୍ ବେସରେ ପ୍ରଧାନମନ୍ତ୍ରୀ ମୋଦି ପହଞ୍ଚିବା ପରେ  ସେଠାରେ ଏକ ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଥିଲା।  ହାଲୁକା ବର୍ଷା ସହ ଉଡୁଥିବା ତ୍ରିରଙ୍ଗା ଏବଂ ଆମେରିକୀୟ ପତାକା ମଧ୍ୟରେ ପ୍ରଧାନମନ୍ତ୍ରୀଙ୍କ ବିମାନ ଅବକରଣ କରିଥିଲା । ଏହା ଉଭୟଙ୍କ ପାଇଁ ଏକ ବିଶେଷ ମୁହୂର୍ତ୍ତ ଥିଲା । କାରଣ ଟ୍ରମ୍ପଙ୍କ ନୂତନ କାର୍ଯ୍ୟକାଳରେ ଏହା ଦୁଇ ନେତାଙ୍କ ମଧ୍ୟରେ ପ୍ରଥମ ସାକ୍ଷାତ ହେବ।

ପ୍ରଧାନମନ୍ତ୍ରୀ ମୋଦି ଆମେରିକାର ରାଜଧାନୀ ମଧ୍ୟରେ ଥିବା  ରାଷ୍ଟ୍ରପତିଙ୍କ ଅତିଥି ଭବନ ବ୍ଲେୟାର ହାଉସରେ ରହିଛନ୍ତି। ସେହିପରି ଆମେରିକା ପହଞ୍ଚିବା ପରେ ମୋଦି ରାଷ୍ଟ୍ର ଗୁଇନ୍ଦା ନିବେଶକ ତୁଳସୀ  ଗବ୍ବାର୍ଡଙ୍କ ସହିତ ସାକ୍ଷାତ କରିଛନ୍ତି । ସେ ପ୍ରଧାନମନ୍ତ୍ରୀ ମୋଦିଙ୍କ ଭବ୍ୟ ସ୍ବାଗତ କରିଛନ୍ତି। ଏହି ସମୟରେ ଉଭୟ ଦେଶ ମଧ୍ୟରେ ସୁରକ୍ଷା ସମ୍ବନ୍ଧିତ ଆଲୋଚନା କରିବେ । ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ଏବଂ ରାଷ୍ଟ୍ରପତି ଟ୍ରମ୍ପ ବାଣିଜ୍ୟ, ପ୍ରତିରକ୍ଷା ଏବଂ ଶକ୍ତି ସହଯୋଗ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବେ। ଏହା ବ୍ୟତୀତ H1B ଭିସା, ଆତଙ୍କବାଦ ମୁକାବିଲା, ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ସ୍ଥିରତା ଏବଂ ଆମେରିକାରେ ଲୁଚି ରହିଥିବା ଗ୍ୟାଙ୍ଗଷ୍ଟରମାନଙ୍କ ବିଷୟରେ ମଧ୍ୟ ଆଲୋଚନା ହେବାର ସମ୍ଭାବନା ରହିଛି।

ଡୋନାଲ୍ଡ ଟ୍ରମ୍ପଙ୍କ ଟାରିଫ୍ ନୀତି ବିଶ୍ୱ ବାଣିଜ୍ୟରେ ବହୁତ ହଇଚଇ ସୃଷ୍ଟି କରିଛି। ଏପରି ପରିସ୍ଥିତିରେ, ପ୍ରଧାନମନ୍ତ୍ରୀ ମୋଦିଙ୍କ ପ୍ରାଥମିକତା ହେବ ଭାରତ ବିରୁଦ୍ଧରେ ଯେ କୌଣସି ପ୍ରକାରର ନକାରାତ୍ମକ ଆମେରିକୀୟ କାର୍ଯ୍ୟାନୁଷ୍ଠାନକୁ ରୋକିବା। ଏହି ଗସ୍ତ ଏପରି ଏକ ସମୟରେ ହେଉଛି ଯେତେବେଳେ ରୁଷ-ୟୁକ୍ରେନ ବିବାଦ ମଧ୍ୟରେ ଶାନ୍ତି ପ୍ରୟାସ ଚାଲିଛି, ତେଣୁ ଏହି ପରିପ୍ରେକ୍ଷୀରେ ମଧ୍ୟ ଦୁଇ ଦେଶ ମଧ୍ୟରେ ଆଲୋଚନା ଗୁରୁତ୍ୱପୂର୍ଣ୍ଣ ହେବ।ପ୍ରଧାନମନ୍ତ୍ରୀ ମୋଦିଙ୍କୁ ସ୍ୱାଗତ କରିବା ପାଇଁ ପ୍ରବାସୀ ଭାରତୀୟ ବହୁ ସଂଖ୍ୟାରେ ଉପସ୍ଥିତ ଥିଲେ। ବର୍ଷା ସତ୍ତ୍ୱେ ପ୍ରଧାନମନ୍ତ୍ରୀ ମୋଦିଙ୍କ ଗୋଟିଏ ଝଲକ ପାଇବା ପାଇଁ ପ୍ରବାସୀ ଭାରତୀୟ ଧର୍ଯ୍ୟର ସହିତ ଅପେକ୍ଷା କରିଥିଲେ। ଏହା ଆମେରିକାରେ ଥିବା ଭାରତୀୟମାନଙ୍କ ମଧ୍ୟରେ ମୋଦିଙ୍କ ଲୋକପ୍ରିୟତାକୁ ପ୍ରତିଫଳିତ କରେ।  ଯେଉଁମାନେ ତାଙ୍କ ନେତୃତ୍ୱ ଏବଂ ଭାରତର ପ୍ରଗତିରେ ବିଶ୍ୱାସ କରନ୍ତି। ପ୍ରକାଶ ଥାଉକି, ଆଜି ରାତିରେ ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପଙ୍କ ସହ ମୋଦି ରାତ୍ର ଭୋଜନରେ ସାକ୍ଷାତ କରିବେ ।