ବେଜିଂ : ଭାରତ ଓ ଚୀନ୍ର କୂଟନୀତିଜ୍ଞମାନେ ଆଜି ବେଜିଂରେ ସୀମା ପାର୍ ନଦୀ ଗୁଡ଼ିକର ତଥ୍ୟ ଆଦାନପ୍ରଦାନ ଓ କୈଳାସ –ମାନସରୋବର ଯାତ୍ରାର ଶୀଘ୍ର ପୁନଃ ଆରମ୍ଭ କରିବା, ସୀମା ପରିଚାଳନାକୁ ଆଗକୁ ବଢାଇବା ପାଇଁ , ବିଭିନ୍ନ ପଦକ୍ଷେପ ଉପରେ ଆଲୋଚନା କରିଛନ୍ତି। ଭାରତ-ଚୀନ ସୀମା ମାମଲା ଉପରେ ପରାମର୍ଶ ଓ ସମନ୍ୱୟ ପାଇଁ କାର୍ଯ୍ୟ ପ୍ରଣାଳୀ (WMCC)ର ୩୩ତମ ବୈଠକ, ମଙ୍ଗଳବାର ବେଜିଂରେ ଆୟୋଜନ କରାଯାଇ ଥିଲା। ଭାରତୀୟ ପ୍ରତିନିଧିମଣ୍ଡଳର ନେତୃତ୍ୱ ଯୁଗ୍ମ ସଚିବ (ପୂର୍ବ ଏସିଆ) ଗୌରାଙ୍ଗଲାଲ୍ ଦାସ ନେଇଥିବା ବେଳେ , ଚାଇନା ପ୍ରତିନିଧିମଣ୍ଡଳର ନେତୃତ୍ୱ ସେଠାର ବୈଦେଶିକ ମନ୍ତ୍ରଣାଳୟର ସୀମା ଏବଂ ମହାସାଗରୀୟ ମାମଲା ବିଭାଗର ମହାନିର୍ଦ୍ଦେଶକ ହୋଙ୍ଗ ଲିୟାଙ୍ଗ କରିଛନ୍ତି।
ବିଦେଶ ମନ୍ତ୍ରଣାଳୟ କହିଛି ଯେ, ଡବ୍ଲୁଏମସିସିର ବୈଠକ ସରକାରତ୍ମକ ଓ ଗଠନମୂଳକ ପରିବେଶ ରେ ହୋଇଛି ଏବଂ ଉଭୟ ପକ୍ଷ ବାସ୍ତବିକ ନିୟନ୍ତ୍ରଣ ରେଖା (ଏଲଏସି)ରେ ସ୍ଥିତିର ବ୍ୟାପକ ସମୀକ୍ଷା କରିଛନ୍ତି। ବୟାନରେ କୁହାଯାଇଛି, ଉଭୟ ପକ୍ଷ ବିଶେଷ ପ୍ରତିନିଧିଙ୍କ(ଏସଆର)ର ଆଗାମୀ ବୈଠକ ପାଇଁ ପ୍ରମୁଖ ପ୍ରସ୍ତୁତି କରିବା ପାଇଁ ମିଳିମିଶି କାମ କରିବା ଉପରେ ସହମତି ପ୍ରକାଶ କରିଛନ୍ତି , ଯାହା ଏହି ବର୍ଷର ଶେଷରେ ଭାରତରେ ଆୟୋଜିତ କରାଯିବ। ବିଦେଶ ମନ୍ତ୍ରଣାଳୟ କହିଛି ଯେ, ସମଗ୍ର ଦ୍ୱିପାକ୍ଷୀୟ ସମ୍ୱନ୍ଧର ସୁଚାରୁ ରୂପେ ବିକାଶ ପାଇଁ ସୀମାରେ ଶାନ୍ତି ଓ ସ୍ଥିରତା ମହତ୍ତ୍ୱପୂର୍ଣ୍ଣ।
ବୟାନରେ କୁହାଯାଇଛି ଯେ, ଉଭୟ ପକ୍ଷ ଡିସେମ୍ୱର ୨୦୨୪ରେ ବେଜିଂରେ ଭାରତ-ଚୀନ ସୀମା ପ୍ରସଙ୍ଗ ଉପରେ ସ୍ୱତନ୍ତ୍ର ପ୍ରତିନିଧିଙ୍କ ୨୩ତମ ବୈଠକ ବେଳେ, ନିଆଯାଇଥିବା ନିଷ୍ପତ୍ତିଗୁଡ଼ିକୁ କାର୍ଯ୍ୟକାରୀ କରିବା ଓ ପ୍ରଭାବଶାଳୀ ସୀମା ପରିଚାଳନାକୁ ଆଗକୁ ବଢାଇବା ପାଇଁ ଉଭୟ ପକ୍ଷ ବିଭିନ୍ନ ପଦକ୍ଷେପ ଓ ପ୍ରସ୍ତାବ ଉପରେ ଆଲୋଚନା କରିଛନ୍ତି।
ଭାରତୀୟ ବକ୍ତବ୍ୟରେ କୁହାଯାଇଛି ଯେ, ଉଭୟ ପକ୍ଷ ଏହି ଦିଗରେ ପ୍ରାସଙ୍ଗିକ କୂଟନୀତିକ ଓ ସାମରିକ ବ୍ୟବସ୍ଥା ବଜାୟ ରଖିବା ଓ ମଜବୁତ କରିବାକୁ ସହମତ ହୋଇଛନ୍ତି। ବିଦେଶ ମନ୍ତ୍ରଣାଳୟ କହିଛି- ସେ ସୀମା ପାର୍ ସହଯୋଗ ଓ ଆଦାନ ପ୍ରଦାନକୁ ଅତି ଶୀଘ୍ର ପୁଣି ଥରେ ଆରମ୍ଭ କରିବା ଉପରେ ମଧ୍ୟ ବିଚାରବିମର୍ଶ କରିଛନ୍ତି, ଯେଉଁଥିରେ ସୀମା ପାର୍ର ନଦୀ ଓ କୈଳାସ – ମାନସରୋବର ଯାତ୍ରା ସାମିଲ ରହିଛି।
