ଦୁବାଇ,୦୨/୦୭: ଆଇସିସି ପକ୍ଷରୁ ଟି-ଟ୍ୱେଣ୍ଟି ବିଶ୍ୱକପ୍ର ‘ଟିମ୍ ଅଫ୍ ଦ ଟୁର୍ଣ୍ଣାମେଣ୍ଟ’ ବା ଶ୍ରେଷ୍ଠ ଏକାଦଶ ଘୋଷଣା ହୋଇଛି । ଏଥିରେ ଚାମ୍ପିଅନ୍ ଭାରତୀୟ ଦଳର ୬ଜଣ ଖେଳାଳି ସ୍ଥାନ ପାଇଛନ୍ତି । ସେମାନେ ହେଲେ ରୋହିତ ଶର୍ମା, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ଯଶପ୍ରୀତ ବୁମରା, ଅର୍ଶଦୀପ ସିଂ । ଅନ୍ୟ ପଟରେ ଦକ୍ଷିଣ ଆଫ୍ରିକା ବିପକ୍ଷ ଫାଇନାଲ୍ରେ ଅର୍ଦ୍ଧଶତକୀୟ ଇନିଂସ୍ ଖେଳି ଦଳ ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିବା ଷ୍ଟାର୍ ବ୍ୟାଟର ବିରାଟ କୋହଲି ଏହି ଦଳରେ ସ୍ଥାନ ପାଇ ନାହାନ୍ତି । ସେହିପରି ଆଫଗାନିସ୍ତାନରୁ ୩ଜଣ, ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ୍ରୁ ଜଣେ ଲେଖାଏଁ ଖେଳାଳି ସ୍ଥାନ ପାଇଛନ୍ତି । ରନର୍ସ ଅପ୍ ଦକ୍ଷିଣ ଆଫ୍ରିକା ଦଳର ପେସ୍ ବୋଲର ଆନରିଜ ନର୍ଜ ଦ୍ୱାଦଶ ଖେଳାଳି ଭାବେ ଏହି ଦଳରେ ସାମିଲ ରହିଛନ୍ତି ।
The best of the best 🌟
— ICC (@ICC) July 1, 2024
Presenting the #T20WorldCup 2024 Team of the Tournament 📋
✍: https://t.co/xVZRgxedGe pic.twitter.com/ckYwOnALtO
ବିଶ୍ୱକପ୍ରେ ରୋହିତ ୧୫୬.୭ ଷ୍ଟ୍ରାଇକ୍ ରେଟ୍ରେ ମୋଟ ୨୫୭ରନ୍ କରିବା ସହ ଦ୍ୱିତୀୟ ସର୍ବାଧିକ ରନ୍ ହାସଲକାରୀ ସାବ୍ୟସ୍ତ ହୋଇଥିଲେ । ଫାଷ୍ଟ୍ ବୋଲର ବୁମରା ୧୫ଟି ୱିକେଟ୍ ନେଇ ପ୍ଲେୟାର ଅଫ୍ ଦ ଟୁର୍ଣ୍ଣାମେଣ୍ଟ ବିବେଚିତ ହୋଇଥିଲେ ।
ଦଳ: ରୋହିତ ଶର୍ମା, ରହମନୁଲ୍ଲା ଗୁରବାଜ, ନିକୋଲାସ୍ ପୂରନ, ସୂର୍ଯ୍ୟକୁମାର ଯାଦବ, ମାର୍କସ ଷ୍ଟଇନିସ୍, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ରସିଦ ଖାନ, ଯଶପ୍ରୀତ ବୁମରା, ଅର୍ଶଦୀପ ସିଂହ, ଫଜଲହକ୍ ଫାରୁକି, ଆନରିଜ ନର୍ଜ ।