ନୂଆଦିଲ୍ଲୀ,୪/୭ :  ଟି-୨୦ବିଶ୍ବକପ୍ ଜିତି ବାରବାଡୋସରୁ ଦିଲ୍ଲୀ ଫେରିଥିବା ଭାରତୀୟ କ୍ରିକେଟ୍ ଟିମ୍ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି । ଏହାର ଭିଡ଼ିଓ ଏବେ ସାମ୍ନାକୁ ଆସିଛି । ଭିଡ଼ିଓରେ ଦେଖାଯାଉଛି କି ଅଧିନାୟକ ରୋହିତ ଶର୍ମା, ବ୍ୟାଟର ବିରାଟ କୋହଲୀ, ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା, ସୂର୍ଯ୍ୟକୁମାର ଯାଦବ ଏବଂ ଋଷଭ ପନ୍ତଙ୍କ ସହ ୧୫ଖେଳାଳୀ ଏବଂ କୋଚ୍ ରାହୁଲ ଦ୍ରାବିଡ଼ ପିଏମ୍ ମୋଦୀଙ୍କ ସହ ତାଙ୍କ ବାସଭବନରେ ଭେଟିଛନ୍ତି । 

ପ୍ରଧାନମନ୍ତ୍ରୀ ମୋଦୀ ଭାରତୀୟ କ୍ରିକେଟ ଟିମ୍ ସହ କଥା ସମୟରେ ବହୁତ ଖୁସି ଥିବା ଦେଖାଯାଇଛନ୍ତି । ଏହି ସମୟରେ ବିଶ୍ବକପ୍ ଟ୍ରଫି ବି ପିଏମ୍ ମୋଦୀ ନିଜ ହାତରେ ଧରିଛନ୍ତି । ପ୍ରକାଶ ଯେ, ପ୍ରଧାନମନ୍ତ୍ରୀ ମୋଦୀ ଭାରତୀୟ ଟିମକୁ ବ୍ରେକଫାଷ୍ଟରେ ନିମନ୍ତ୍ରଣ କରିଥିଲେ ।

କ୍ରିକେଟ ଟିମ୍ ଏବେ ମୁମ୍ବାଇ ଲାଗି ଉଡ଼ାଣ ଭରିବେ । ଯେଉଁଠାରେ ନରୀମନ ପଏଣ୍ଟରୁ ଓ୍ବାଙ୍ଖେଡ଼େ ପର୍ଯ୍ୟନ୍ତ ରୋଡ଼ ଶୋର ବ୍ୟବସ୍ଥା କରାଯାଇଛି ଫଳରେ ଫ୍ୟାନ୍ସ ବିଶ୍ବକପ୍ ଟ୍ରଫି ସହ ନିଜ ପସନ୍ଦର ଷ୍ଟାର ଖେଳାଳୀଙ୍କୁ ପାଖରୁ ଝଲକ ଦେଖିପାରିବେ । ଏହାପରେ ଟିମକୁ ଓ୍ବାଙ୍ଖେଡ଼େ ଷ୍ଟାଡିୟମରେ ସମ୍ମାନୀତ କରାଯିବ ।

#WATCH | Indian Cricket team meets Prime Minister Narendra Modi at 7, Lok Kalyan Marg.

Team India arrived at Delhi airport today morning after winning the T20 World Cup in Barbados on 29th June. pic.twitter.com/840otjWkic

— ANI (@ANI) July 4, 2024