ନ୍ୟୁ ୟର୍କ,୦୭/୦୭: ୪୮ତମ କୋପା ଆମେରିକା କପ୍ରେ କାନାଡ଼ା ଚମକପ୍ରଦ ବିଜୟ ସହ ସେମି ଫାଇନାଲ୍ରେ ପ୍ରବେଶ କରିଛି । କ୍ୱାର୍ଟର ଫାଇନାଲ ମୁକାବିଲରେ କାନାଡ଼ା ୪-୩(୧-୧) ପେନାଲ୍ଟି ସୁଟ୍ ଆଉଟ୍ ଗୋଲ୍ରେ ଭେନେଜୁଏଲାକୁ ହରାଇଥିଲା ।
ମ୍ୟାଚ ଆରମ୍ଭରୁ କାନାଡ଼ା ପ୍ରଭାବ ବିସ୍ତାର କରି ଖେଳିଥିଲା । ୧୩ତମ ମିନିଟ୍ରେ ଜାକବ ସାଫେଲବର୍ଗ ଗୋଲ୍ କରି ଦଳକୁ ଅଗ୍ରଣୀ କରାଇଥିଲେ । ଏହାପରେ ଭେନେଜୁଏଲା ଲଢୁଆ ଖେଳ ପ୍ରଦର୍ଶନ କରି ମ୍ୟାଚ୍କୁ ଫେରିଥିଲା । ୬୪ତମ ମିନିଟ୍ରେ ସାଲୋମୋନ ରଣ୍ଡନଙ୍କ ଗୋଲ ବଳରେ ଭେନେଜୁଏଲା ୧-୧ରେ ସ୍ଥିତି ବରାବର କରିଥିଲା । ନିର୍ଦ୍ଧାରିତ ସମୟ ମଧ୍ୟରେ ମ୍ୟାଚ୍ ଡ୍ର’ ରହିବାରୁ ଟାଇବ୍ରେକର ସହାୟତା ନିଆଯାଇଥିଲା । ଏଥିରେ କାନାଡ଼ା ୪-୩ ଗୋଲ୍ରେ ବିଜୟୀ ହୋଇଥିଲା । ଦଳ ପକ୍ଷରୁ ଜନାଥନ ଡେଭିଡ, ମୋଏଜ ବୋମ୍ବିତୋ, ଆଲଫୋନ୍ସୋ ଡେଭିସ ଓ ଇସମାଇଲ କୋନେ ଗୋଲ୍ କରିଥିଲେ । ସେହିପରି ଭେନେଜୁଏଲା ପକ୍ଷରୁ ରଣ୍ଡନ, ଟମାସ ରିନକନ ଓ ଜଣ୍ଡର କ୍ୟାଡିଜ ଗୋଲ୍ କରିଥିଲେ ।
