ନୂଆଦିଲ୍ଲୀ, ୫/୧୦ : ବିଶ୍ବ କ୍ରିକେଟରେ ସବୁଠାରୁ ଟ୍ୟାଲେଣ୍ଟେଡ ବ୍ୟାଟର କିଏ । ଏହି ପ୍ରଶ୍ନରେ ପୂର୍ବତନ ଅଷ୍ଟେ୍ରଲିଆ ଅଧିନାୟକ ରିକି ପଣ୍ଟିଂ ରିଆକ୍ଟ କରିଛନ୍ତି । ପଣ୍ଟିଂ ସେହି ବ୍ୟାଟରଙ୍କ ନାଁ କହିଛନ୍ତି ଯାହାଙ୍କୁ ସେ ବିଶ୍ବ କ୍ରିକେଟର ସବୁଠାରୁ ଟ୍ୟାଲେଣ୍ଟଡ ବ୍ୟାଟର କହିଥାନ୍ତି । ପଣ୍ଟିଂ ସେହି ବ୍ୟାଟରଙ୍କ ବିଷୟରେ କହିଛନ୍ତି କି ସେ ନିଜ ଲାଇଫରେ ତାଙ୍କ ଭଳି ବ୍ୟାଟର ଦେଖି ନାହାନ୍ତି । ସ୍କାଇ ସ୍ପୋର୍ଟ୍ସ ସହ କଥା ହେବା ସମୟରେ ପଣ୍ଟିଂ ସେହି ବ୍ୟାଟରଙ୍କ ବିଷୟରେ କହିଛନ୍ତି । ଜଣେ ଫ୍ୟାନଙ୍କ ପ୍ରଶ୍ନରେ ରିଆକ୍ଟ କରି ପଣ୍ଟିଂ ନିଜ ପସନ୍ଦ ବିଷୟରେ କହିଛନ୍ତି । ପୂର୍ବତନ ଅଷ୍ଟେ୍ରଲିଆ ଅଧିନାୟକ ସଚିନ ତେନ୍ଦୁଲକର, ବିରାଟ କୋହଲୀ କିମ୍ବା ଭିଭିୟାନ ରିଚାର୍ଡ୍ସଙ୍କ ନାଁ ନେଇ ନାହାନ୍ତି ।
ପଣ୍ଟିଂ ଓ୍ବେଷ୍ଟଇଣ୍ଡିଜର ମହାନ ବ୍ୟାଟର ବ୍ରାୟନ ଲାରାଙ୍କୁ ବିଶ୍ବ କ୍ରିକେଟର ସବୁଠାରୁ ଟ୍ୟାଲେଣ୍ଟେଡ ବ୍ୟାଟରର ଆଖ୍ୟା ଦେଇଛନ୍ତି । ପଣ୍ଟିଂ ଲାରାଙ୍କୁ ନେଇ କହିଛନ୍ତି କି , ନିଜ ଲାଇଫରେ ମୁଁ ତାଙ୍କ ଭଳି ବ୍ୟାଟର ଦେଖି ନାହିଁ । ସେ ସ୍ବଭାବିକ ରୂପରେ ବହୁ ଟ୍ୟାଲେଣ୍ଟେଡ ଥିଲେ । ମୁଁ ତାଙ୍କୁ ବିଶ୍ବ କ୍ରିକେଟର ‘ଅଲ ଟାଇମ୍ ଗ୍ରେଟ’ ମାନିଥାଏ । ଲାରାଙ୍କ କ୍ୟାରିୟର କଥା ଯଦି କୁହାଯାଏ ତ ଓ୍ବେଷ୍ଟଇଣ୍ଡିଜର ପୂର୍ବତନ ଭେଟରାନ ଟେଷ୍ଟରେ ୧୩୧ମ୍ୟାଚ୍ ଖେଳିଛନ୍ତି ଏବଂ ପ୍ରାୟ ୧୧୯୫୩ରନ କରିଛନ୍ତି । ଲାରା ଟେଷ୍ଟରେ ୩୪ଶତକ ଏବଂ ୪୮ଅର୍ଦ୍ଧଶତକ ମାରିଛନ୍ତି । ଲାରାଙ୍କ ନାମରେ ଟେଷ୍ଟରେ ସବୁଠାରୁ ବଡ଼ ପାଳି ଯାହାକି ୪୦୦ରନ କରିବାର ବିଶ୍ବ ରେକର୍ଡ଼ ଅଛି । ଲାରା ଓ୍ବାନଡେରେ ୨୯୯ମ୍ୟାଚ ଖେଳିଥିଲେ ଏବଂ ୧୦୪୦୫ରନ କରିବାରେ ସଫଳ ରହିଛନ୍ତି । ଓ୍ବାନଡେରେ ଲାରାଙ୍କ ନାମରେ ୧୯ଶତକ ଏବଂ ୬୩ଅର୍ଦ୍ଧଶତକ ସାମିଲ ଅଛି ।