ଦୁବାଇ, ୦୪/୧୦: ମହିଳା ଟି-ଟ୍ୱେଣ୍ଟି ବିଶ୍ୱକପ୍ର ତୃତୀୟ ମ୍ୟାଚ୍ରେ ଶୁକ୍ରବାର ଦକ୍ଷିଣ ଆଫ୍ରିକା ଓ ୱେଷ୍ଟଇଣ୍ଡିଜ୍ ସାମ୍ନାସାମ୍ନି ହେବେ । ଉଭୟ ଦଳ ବିଜୟ ସହ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛନ୍ତି ।
ଶୁକ୍ରବାର ଦକ୍ଷିଣ ଆଫ୍ରିକା ସ୍ୱତନ୍ତ୍ର ଜର୍ସି ପିନ୍ଧି ଖେଳିବାକୁ ଯାଉଛି। ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡ଼ (ସିଏସ୍ଏ) ବିଶ୍ୱକପ୍ ପାଇଁ ସ୍ୱତନ୍ତ୍ର ଜର୍ସି ପ୍ରସ୍ତୁତ କରିଛି । ଏହି ଜର୍ସିରେ ଖେଳାଳିମାନଙ୍କର ପରିବାର ସଦସ୍ୟ, ଘନିଷ୍ଠ ବନ୍ଧୁ ଏବଂ ପ୍ରିୟ କୋଚ୍ଙ୍କ ନାମ ଉଲ୍ଲେଖ ରହିଛି । ଜର୍ସିର କଲରରେ ପ୍ରତି ଖେଳାଳିଙ୍କ ପ୍ରିୟ ବ୍ୟକ୍ତିଙ୍କ ନାମ ରହିଛି । ବୋର୍ଡ଼ ପକ୍ଷରୁ କୁହାଯାଇଛି ଯେ, ପ୍ରତିଦ୍ୱନ୍ଦ୍ୱିତା ପୂର୍ଣ୍ଣ ଟୁର୍ଣ୍ଣାମେଣ୍ଟ ସମୟରେ ଏହି ଜର୍ସି ଖେଳାଳିମାନଙ୍କୁ ନିଜ ପରିବାର, ବନ୍ଧୁ ଏବଂ ଦେଶବାସୀଙ୍କର ଅତୁଟ ସମର୍ଥନକୁ ମନେ ପକାଇବ । ଆମର ଏହି ନିଆରା ପ୍ରୟାସ ଖେଳାଳିଙ୍କ ମଧ୍ୟରେ ଉତ୍ସାହ ବଢ଼ାଇବାରେ ସହାୟକ ହେବ ।’
ସୂଚନାଯୋଗ୍ୟ, ଦକ୍ଷିଣ ଆଫ୍ରିକା ଗତ ସଂସ୍କରଣରେ ଅଳ୍ପକେ ଟାଇଟଲ୍ରୁ ବଞ୍ଚିତ ହୋଇଥିଲା । ଫାଇନାଲ୍ରେ ଦଳ ଅଷ୍ଟ୍ରେଲିଆ ନିକଟରୁ ୧୯ରନ୍ରେ ହାରି ରନର୍ସ ଅପ୍ରେ ସନ୍ତୁଷ୍ଟ ହୋଇଥିଲା ।
