ନୂଆଦିଲ୍ଲୀ,୬/୭ : ଟି-୨୦ ବିଶ୍ବକପ ୨୦୨୪ର ଟ୍ରଫି ଜିତିବା ପରେ ପ୍ରତି ଭାରତୀୟ ଖେଳାଳୀ ନିଜ ଇମୋଶନ ସାମ୍ନାକୁ ଆଣୁଛନ୍ତି । କିଛି ଖେଳାଳୀ ଗଣମାଧ୍ୟମ ସାମ୍ନାରେ ହେଉ କିମ୍ବା ଅନ୍ୟ କିଛି ସୋସିଆଲ ମିଡ଼ିଆ ପୋଷ୍ଟ ଜରିଆରେ ନିଜ ଭାବନାକୁ ସେୟାର କରୁଛନ୍ତି । ଟିମ୍ ଇଣ୍ଡିଆର ଦ୍ରୁତ ବୋଲର ଅର୍ଶଦୀପ ସିଂହ ବି କିଛି ଏଭଳି କରିଛନ୍ତି । ସେ ଫାଇନାଲ ମ୍ୟାଚ୍ ସମୟର ନିଜ ଇମୋଶନ ସେୟାର କରିଛନ୍ତି । ଯେଉଁଥିରେ ଅର୍ଶଦୀପ କହିଛନ୍ତି କି ଏବେ ତାଙ୍କ ଭିତରେ କୌଣସି ଇମୋଶନ ବଞ୍ଚି ନାହିଁ । ଅର୍ଶଦୀପ ଏହା ବି କହିଛନ୍ତି କି ଫାଇନାଲ ଜିତିବା ପରେ ବି ତାଙ୍କ ଆଖିରୁ ଲୁହ ବାହାରି ନଥିଲା ।
ଶେଷ ଓଭରର ପ୍ରତି ବଲରେ ଅର୍ଶଦୀପ ସିଂହଙ୍କ ଇମୋଶନ ବଦଳୁଥିଲା । ସୂର୍ଯ୍ୟକୁମାର ଯାଦବଙ୍କ ଦ୍ବାରା ଲଗ୍ ଅନରେ ଡେଭିଡ ମିଲରଙ୍କ କ୍ୟାଚ୍ ଧରିବା ପରେ ଅର୍ଶଦୀପ ସିଂହଙ୍କ ହୃଦୟ ଜୋରରେ ଧକଧକ୍ ହେଉଥିଲା । ଏହି କ୍ୟାଚ୍ ପ୍ରାୟତ ଭାରତର ବିଜୟକୁ ପକ୍କା କରିସାରିଥିଲା । କିନ୍ତୁ ମ୍ୟାଚ୍ ଶେଷ ହେବା ପରେ ଅର୍ଶଦୀପ କାନ୍ଦିବାକୁ ପ୍ରୟାଶ କରିଥିଲେ , କିନ୍ତୁ ସେ କାନ୍ଦି ପାରିନଥିଲେ ।
ସେ ଏକ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି କି, ‘ମୁଁ ବହୁତ ଖୁସି ଥିଲି । ଆଇପିଏଲରେ ମୁଁ ପଞ୍ଜାବ କିଙ୍ଗ୍ସ ଲାଗି ଏତେ ପ୍ରେସରରେ ଥିବା ମ୍ୟାଚ୍ ଖେଳିଛି କି ଏବେ ମୋ ପାଖରେ କୌଣସି ଭାବନା ହିଁ ବଞ୍ଚି ନାହିଁ । ମୁଁ ପ୍ରୟାସ କରୁଥିଲି କିଛି ଆଖିରୁ ଲୁହ ବାହାରିନଥିଲା ‘।
